DENDE O SORIANO...

O pasado martes 12 de febreiro, dous membros da nosa peña representaron a Celtarras noutro dos xantares que nos últimos meses está a organizar a Peña Celtista UME.

Para quen non está ao tanto, dende a movida con Fernando Vázquez, e a división do Celtismo hai agora un ano, e por iniciativa de xente de peñas coma Carcamáns, UME, Centolos Celestes, Comando, Siareiros.net,… estanse a levar unha serie de reunións periódicas para tentar de xuntar forzas, animar ao Celta coma se merece e ter un certo peso específico no clube. Froito destas xuntanzas xurdiron iniciativas como as de crear Campo Novo Xa! ou mesmo presentar unha candidatura alternativa á Federación de peñas que finalmente gañou a nosa amiga Ponzoña rodeada dos seus rikitrís e demáis calaña. (Celtarras non estaba na candidatura por non estar na Federación, mais sí apoiou a ista candidatura alternativa á da Ponzoña).

Así que co paso do tempo e grazas á disposición da Peña UME, pasouse de reunións en bares a xantar no Soriano…..

En decembro o xantar foi unha homenaxe a Xavier Martínez Cobas, exdirector xeral, que marchou do clube farto dos atrancos que estaba a sufrir no seu proxecto dun Celta galego i en galego (despois do de Vázquez, el estaba so no Celta defendendo esa idea de equipo). Daquela o Xavier quedou encantado coas peñas que fomos e a placa que lle demos, e comprometeuse el a convidarnos en Febreiro.

E alí fomos, coa sorpresa de que apareceu o López Caro e todo o seu corpo técnico (seica querían falar coas peñas e trasmitirlles o seu agradecemento e pedir paciencia ¿?).

E así foi, tralo xantar, moi boas palabras moi bo rollito…mais o equipo está como está.

Preparáramos unha sorpresa para Alberto (presidente de UME e promotor destes “San Edríns” celtistas) e nos postres entregámoslle unha figura de Sargadelos que mercamos entre as peñas que estamos a reunirnos periódicamente. Pero a sorpresa levámola os dous representantes da peña cando Alberto no seu “speech” volveu loubar a unidade das peñas “de verdade” e falou dos Celtarras coma dos “números uns” do Celtismo. Sempre nos trataron moi ben nestas xuntanzas, mais dista volta non só voltaron falar ben de nós se non que tamén fomos agasallados cun botellón de viño do bo (non do de facer kalimotxo). Seica xa nos coñecen e saben que onde estea un bo pimple que se quiten as placas e as figuriñas de Sargadelos….

Así que nada, que flipamos e un de nós tivo que falar ante tan distinguida audiencia. Saimos do paso (coido) e ovación xeral (López Caro e demáis incluidos).

Así que equí tedes o botellón. Agardamos que a xente diga cando quere que fagamos uso del (no calexo, nunha cea da peña, no Piratas…).

Vos diredes.

Forza Celta!! Alcoooooooool, alcoooooool, alcol,alcol, alcoooooooooooocoool!!!!!!

Mr. Licor-Café

PRAZAS DISPONIBLES

Dende SSGG infórmannos que índa hai sitios para ir ó Galiza – Uruguai de fútbol sala (debut da nacional), que tal como dixemos días atrás, dispútase hoxe venres 29 en Ferrol, ás 21.00 horas. O autocarro de SS.GG. sae ás 17.00 horas da praza dos cabalos. Despois do partido hai festa-concerto na Fundación Artabria, e sobre a 1.30 da madrugada voltarase para Vigo.

Todo (con entrada incluída) custa 5 míseros euros.

O autocarro tamén recolle xente en Pontevedra e Compos. Así que iso, o que ainda quera ir que se presente esta mesma tarde ás 17.00 horas na praza dos cabalos.

FALACIA BILINGÜE

Estes dous videos pertencen ás protestas levadas a cabo durante a semana pasada na nosa cidade no acto do colectivo españolista e ultradereitista Falacia Bilingüe.

GALIZA-URUGUAI FÚTBOL SALA

A loita polas nosas seleccións nacionais e maila súa oficialización vainos levar a Ferrol (Trasancos) o vindeiro venres 29 de Febreiro.

Desta volta, nun novo chanzo que subimos de cara a normalización do feito nacional galego a nivel deportivo, a selección que debuta é a masculina de Fútbol Sala. Será contra Uruguai e coma non pode ser doutro xeito, Siareir@s Galeg@s estará presente.

Á espera de poder-vos anunciar máis detalles, a idea é a de montar un autocarro que saia de Vigo o debandito venres pola tarde (contra as 17.00), para voltar á mañanciña á Vigo.

Pra despois do partido @s compañeir@s de Trasancos organizaron unha festa-concerto no Centro Social Artabria, así que a idea é a de ve-lo encontro e mandarlle logo unhas cuncas alí. Xa vos avisaremos dos detalles de todo isto. O autocarro collerá tamén compañeir@s de Pontevedra e Compos, e contamos con estar de volta en Vigo sobre as 4 da mañanciña.

As entradas xa as temos reservadas e o prezo do autocarro + entrada rondará os 10 euros pra soci@s de SS.GG. (se é mais o afrontará o colectivo). Así que quen queira vir que se apunte nas listas que deixamos o fin de semán tanto no C.S. Revolta coma no C.S. Faísca. (prazas limitadas).

Se pensas que SS.GG. debe apoiar coa mesma intensidade @s nos@s deportistas nacionais idependentemente de que nos representen nun deporte "minoritario", o venres 29 tes unha oportunidade de demostralo.

Adiante Galiza!!

SS.GG. comarca de Vigo

CELTA B 1-LANZAROTE 1

Fotografía cedida por Eugenio Álvarez para a web de Celtarras.

II COPA GALIZA

Esta mesma semana foi presentada a segunda edición da Copa de Galiza, competición da que o noso equipo é vixente campión. Agardamos que nesta tempada estea mellor organizada que na da campaña anterior.

Para a presente edición, serán 8 os equipos que van disputala (Coruña, Rácing, Lugo, Pontevedra, Ourense, Coruxo e Negreira, ademais do Celta), e que se enfrontarán en tres eliminatorias (cuartos, semifinais e final) a un so partido no campo do de categoría inferior. O campo de Pasarón será o esceario da final, que vai disputarse o 1º de maio. A primeira e segunda rolda disputaranse en semana santa e abril, respectivamente.

FARO DE VIGO, ANTICELTISTA E ANTIGALEGO

esmorgazeleste.com

Desde que Carlos Mouriño asumiu a presidencia do Consello de Administración do Celta, un amplo sector da prensa viguesa asumiu o rol de oposición incondicional, criticando calquer medida que tomaron os novos dirixentes desde o principio. Encabezados polo Faro de Vigo, os xornalistas non pararon ata crear un clima de crispación e enfrontamento entre o celtismo que por unha banda desanimou a moitos afeccionados e que tamén afectou moi negativamente ao equipo, que acabou descendendo á segunda división. Iso si, os ditos medios conseguiron o seu obxectivo de cargarse a Fernando Vázquez, un adestrador profundamente aborrecido por eles e que tivo que aguantar durante dous anos a férrea oposición dos “sabios” da prensa, radio e televisión. Segundo comezou esta temporada, o obxectivo pasou a ser Hristo Stoichkov, máis por cuestións persoais que polos méritos máis ou menos discutibles do adestrador búlgaro, pero é que tamén nas últimas semanas encertaron unha campaña de desprestixio dirixida ao antes louvado Juan Ramón López Caro. E cando un le as crónicas dos partidos ás veces plantéxase se desde as cabinas de prensa se miran as cousas distinto, se as crónicas xa as teñen escritas antes do encontro ou é que directamente vai acabar o mundo.

Entrementres, os dardos dirixidos ao Consello de Administración non cesaron, tanto se facían como se desfacían; o caso é criticar sempre. Ata tal punto chega a súa manía persecutoria que mesmo chegan a cuestionar abertamente as cifras de asistentes aos partidos difundidas polo clube poñendo frases ridículas como “X espectadores según los exagerados datos ofrecidos por el club”.

Na miña opinión, no fondo de todo isto latexa un profundo rancor derivado probablemente de decisións impopulares para os xornalistas (tremendamente consentidos durante o mandato de Horacio Gómez) como non filtrar nomes de posibles fichaxes, só dar a coñecer as decisións mediante comunicados oficiais ou roldas de prensa, etc. Como agora xa se lles remataron os privilexios, leña!. E na parte deportiva, outro tanto, porque esta xente leva moi mal o feito de que os últimos adestradores non lles bailen a auga e fagan cousas como adestrar a porta fechada. Co tempo vese que o problema de fondo non era que xogase ou non Gustavo López…

O máis lamentable é que o maior perxudicado por esta cruzada non é nin o adestrador nin os directivos, senón o Celta, que está a vivir económica e deportivamente unha época complicada cuxas causas non se queren analisar en serio e da que cómpre saír canto antes…

Pero é que ademáis de inimigos do Celta, nesta cidade temos furibundos inimigos de Galiza entre os medios de comunicación. Sen ir máis lonxe, a cantidade de mentiras que levan difundido coincidindo con manifestacións de colectivos nacionalistas (día da constitución española, acto de Galicia Bilingüe…) deixa ben clariña a súa intolerancia e o seu desprezo cara a quen non está na corrente do pensamento único. Esta semana adicáronse a darlle azos ao colectivo ultra Galicia Bilingüe, que en todo momento foi louvado ante a ameaza dos “radicais” que nos manifestabamos a prol da nosa identidade como povo. As cargas policiais foron tratadas tendenciosa e superficialmente, mentres que as agresións dos militantes anti-galego acontecidas no interior do teatro foron directamente ignoradas. E máis exemplos desta cruzada podémolos atopar en todas as mentiras que escribiron logo de que varios mozos increparan á deputada española no parlamento de Euskadi María San Gil e fosen primeiro agredidos polos seus gorilas e logo detidos coas probas que aportaron a prensa e mais a decana da facultade de Económicas.

E no eido da lingua galega, que dicir?. Medios como o Faro de Vigo, Radio Vigo, etc. reciben abondosas subvencións en concepto de fomento e uso do galego, pero á hora da verdade a nosa lingua está absolutamente ausente dos seus xornais e radios (ou como moito ocupa un lugar testimonial e cuase folcrórico). Non so iso, senón que o idioma e os seus falantes somos decote ignorados e desprezados, ben directamente ou ben dándolle cancha a informacións falaces ou a personaxes intolerantes. A realidade do país no que están eles e mais os lectores, ouvintes e anunciantes que os sosteñen impórtalles ben pouco, claro que se cadra estas son simples estratexias que obedecen non só a motivos ideolóxicos senón puramente económicos…

AS PALMAS 1-CELTA 0

A visita a terras canarias saldouse cunha nova e estrepitosa derrota, e o que inda é peor, unha imaxe impropia dun equipo que se está a xogar tanto. O de soluciona-los graves erros defensivos semella xa tarefa imposíbel, e o suposto potencial ofensivo do noso equipo non aparece por ningures, axudado mesmo pola incapacidade do centro do campo para crear xogo; ademais, dende o corpo técnico non se observa unha grande capacidade de reacción e de poder sacar adiante esta difícil situación. E desta volta, nen tan sequera podemos escudarnos nunha actuación arbitral en contra dos nosos intereses, nen nos dous lanzamentos de Canobbio contra o pau da porta rival. O xogo do Celta carece de criterio e sentido algún, e a meirande parte dos xogadores semellan non saber a qué están xogando. Para rematar este extrano encontro, nen tan sequera fumos quen de igualar a contenda cun penalti pitado ó noso prol no derradeiro minuto do desconto, e errado por Canobbio despois de que o colexiado lle fixera repeti-lo lanzamento da pena máxima, e que sí anotara no seu primeiro lanzamento. Pouco a pouco, o plantel céltico vai quedándose sen argumentos ante os siareiros, e únicamente as matemáticas son as que din que este equipo está todavía vivo na loita polo ascenso, porque as sensacións din todo o contrario.

Son demasiadas carencias como para sermos optimistas de cara ó obxectivo do ascenso, pero tal como sinalabamos antes deste encontro, o domingo visítanos un rival directo co que non podemos faiar de ningún modo, e onde o noso apoio ten que ser vital para tentar levar ós nosos xogadores a un triunfo que evite o desengancharnos de forma definitiva da loita polo ascenso. Unha derrota no encontro ante o Elxe suporía situarnos con pe e medio de novo na segunda división para a vindeira tempada. Non é o intre de darlle as costas ó equipo, pero unha nova decepción en Balaídos podería se-lo golpe definitivo para uns siareiros que dende a pasada campaña apenas nos levamos ledicias co noso clube.

CELTA-ELXE, DOMINGO ÁS 17:00

Despois de moito tempo (exactamente dende o pasado 9 de decembro), o fútbol en Balaídos vai regresar ó seu horario habitual de domingo de tarde. Agradécese que nun encontro tan trascendental para os intereses do noso equipo de cara á consecución do ascenso non sexa adiantado nen á tarde do sábado nen á mañá do domingo. Iso sí, quen non vai fallar, unha vez máis, será a canle televisiva de turno retransmitindo o encontro en directo; despois de especularse nas derradeiras semanas coa posibilidade de que fora o Canal + quen retransmitira este choque, será finalmente Localia quen o faga, que voltará a Balaídos despois de estar xa presente no Celta-Rácing da xornada 11ª.

Para este importantísimo encontro ante un rival directo na loita por acada-lo ascenso de categoría, xa é hora de que a xente demostre quen é celtista de verdade e quen non, independentemente do mellor ou peor que o fagan os 11 nomes que vistan a camisola celeste sobre o céspede, e sería vital que Balaídos amosara unha entrada decente, e que dende a nosa bancada se empurre ó máximo ó equipo. Desta volta non hai moitas escusas para non estar o vindeiro domingo nas bancadas de Balaídos. Rival directo, horario normal, partido decisivo, prezos relativamente económicos...

O adestrador do Breogán de Lugo realizou nestes días unhas fortes declaracións sobre a hinchada do seu equipo, ou máis concretamente contra a xente que agora non acude ó pavillón e nen pensa facelo ata que o equipo estea de novo na ACB. Sen pelos na língua, non dubidou en arremeter contra eses supostos breoganistas, e afirmou que éste é o intre no que máis tiñan que estar co equipo, e ós que non vaian á cancha agora que están a xogarse o ascenso, tampouco os quere se logo o equipo acada o seu obxectivo. Dende estas liñas tamén queremos facer nósas esas verbas, inda que trasladadas, evidentemente, ós siareiros do Celta. Agora que entramos na fase máis decisiva do campionato, e con parte dos deberes por facer, é cando o equipo máis precisa da nosa forza.

SEMPRE CELTA

CONCENTRACIÓN NO GARCIA BARBÓN

Tal como anunciabamos en días pasados nesta mesma web e o sábado en Balaídos, mañá mércores terá lugar enfronte do Teatro García Barbón unha concentración a prol do galego e de repulsa pola presenza dos neofascistas de Galicia Bilingüe e o seu odio pola lingua galega na nosa cidade. Dende Celtarras, ó igual que dende outras organizacións e colectivos da nosa comarca, solicítase a túa presencia a partires das 19:45 horas no lugar reseñado. Que non te corten a lingua.

DIFUNDE E ACUDE

REPRESIÓN LINGÜÍSTICA EN CARREFOUR

anosaterra.org

“Burra, no hables lenguas menores”

O xefe dunha sección do hipermercado Carrefour en Coruña dirixiuse así a unha das súas empregadas por falar en galego.

“Lenguas menores”, así calificou un responsable dun dos Carrefour da Coruña ao galego, lingua habitual dunha das súas empregadas.Segundo fixo público A Mesa pola Normalización Lingüística, un xefe de sección do hipermercado da rúa Alfonso Molina, dirixiuse a unha empregada chamándolle “burra” por falar en galego.

Segundo a información da que dispón a Mesa, non é a primeira empregada á que esta persoa lle prohibe utilizar o galego no seu posto de traballo.Esta non é a única queixa recibida na Mesa contra a discriminación do galego en Carrefour. Fran Rei, membro da directiva nacional da asociación cívica, sinalou que unha cidadá tamén denunciou que lle devolveron un escrito presentado nun centro de Pontevedra dicíndolle que, se quería ser atendida, debería redixir o mesmo en castelán.

Pola súa banda, o presidente da Mesa, Carlos Callón pediulle a Carrefour que tome medidas para solucionar esta situación, e dirixiuse tamén á Secretaría Xeral de Política Lingüística e á Consellaría de Traballo.

CELTA 2-POLI EJIDO 1

Fotografía cedida por Eugenio Álvarez para a web de Celtarras.

CELTA 2-POLI EJIDO 1

Vitoria moi sufrida, e grazas. O noso equipo segue amosando unha imaxe paupérrima (ó igual que as bancadas de Balaídos), a mesma que propiciou as recentes derrotas ante Castellón e Eibar, e que onte ben puido costarnos a perda de máis puntos. Pero independentemente da imaxe, o importante deste encontro era acada-los tres puntos en xogo, e abofé que se conqueríu. Iso sí, non podemos oculta-la nosa preocupación pola facilidade que os equipos rivais teñen para facernos dano cun mínimo de chegadas á nosa área, ademais de ollar cómo unha vez máis nos igualan o encontro despois de adiantarnos no marcador. Esta tempada foron moi poucas as ocasións nas que conservamos o triunfo todo o rato tras adiantarnos no marcador.

Despois de racha-la mala xeira de resultados das derradeiras xornadas, agora non queda outra que gaña-lo vindeiro sábado en As Palmas, onde agardamos unha melloría no xogo e na actitude dos xogadores sobre o céspede, e sobre todo seguir escalando postos na clasificación. Este encontro ratificou o mal estado de moitos dos nosos xogadores, así como o feito de que Okkas e Quincy deben disputa-lo máximo número de minutos posibles, sen esquecernos do oportunista Perera, que cunha nova diana segue asentándose entre os mellores goleadores do torneo.

NOVA DETENCIÓN

Fai escasos minutos, outro compañeiro independentista foi detido pola policía nazional acusado de participar na protesta pola presencia de María San Gil días atrás na Universidade de Compostela. Serxio Piñeiro foi arrestado cando estaba a traballar na difusión da convocatoria anti-represiva que esta mesma tarde terá lugar, ó igual que na nosa propia cdade, na capital do país.

ÚLTIMA HORA, IMPORTANTE

Hoxe ás 20 horas haberá no Marco (rúa do Príncipe) unha concentración contra a represión do estudantado galego, despois da detención na mañá de hoxe do mozo Iago Barros. Acudide.

DETENCIÓN EN COMPOS

agir-galiza.org

Depois de vários dias dumha intensa campanha de intoxicaçom mediática, começa a repressom contra @s estudantes assinalad@s pola decana-inquisidora Maria Teresa Cancelo. Fai umha horas tivemos conhecimento da detençom por parte da polícia espanhola do companheiro Iago Barros, estudante da Faculdade de Direito da USC e militante de AGIR.

De seguro que nas próximas horas serám mais @s estudantes, que previamente "identificad@s" por Cancelo e os seus sequazes de entre as mais de 30 pessoas que participavam no acto, serám detid@s.

Em resposta a detençom do Iago, e as que previsiblemente a seguirám, convocamos umha concentraçom solidária às 20h00 na Praça do Pam em Compostela.

Engana-se os membros da Reitoria e a caverna mediática se pretende que qualquer medida repressiva contra o estudantado ou AGIR nos vaia frear. O estudantado galego já tem padecido medidas excepcionais e sempre logrou sobreviver. Desta volta nom será distinto.

Adiante a luita estudantil! STOP repressom!

A UNS REPRESIÓN E A OUTRAS...

antifascistasgz.blogspot.com

Aqui vos poñemos unha nova do ano 2003 onde a fascista María San Gil sae increpando a cargos electos cunha actitude claramente antidemocratica¿¿onde estaban daquela as condenas dos partiduchos que agora o fan cos independentistas de Compostela??e as detencións a xente por manifestarse que daquela non se miraron e desta vez si...POR QUE??

"En un Pleno lleno de tensión, el alcalde de Andoain, José Antonio Barandiarán, y los cuatro ediles de Batasuna tuvieron que ser protegidos por la Policía ya que al iniciarse el Pleno, los concejales de Batasuna fueron recibidos con el lanzamiento de pegatinas con el lema «ETA, no» y gritos de repulsa por parte de los asistentes, que abarrotaban la sala, entre los que se encontraban numerosos políticos del PSE, como los dirigentes del PSOE o Rosa Díez, y del PP, como María San Gil, además de miembros de «Basta Ya», entre ellos Fernando Savater y Carlos Martínez Gorriarán, así como el diputado de Guipúzcoa Román Sodupe, y, en representación del Ejecutivo vasco, Josu Jon Imaz, que aguantó en silencio los reproches hacia PNV y EA."

O 20 DE FEBREIRO DEFENDE Ó TEU IDIOMA

O vindeiro mércores 20 de Febreiro, o coletivo "Galicia Bilingüe" vai a levar a cabo un acto público no teatro Garcia Barbón de Vigo, relacionado coa campaña de recollida de sinaturas que están a levar a cabo polas cidades e vilas de Galiza en contra do emprego do noso idioma nas aulas do noso país.

Dende o Foro da Mocidade de Vigo están a impulsar unha concentración de repulsa, o mesmo dia 20 ás 19.45 horas no teatro Garcia Barbón; fan un chamamento a tódolos coletivos que pulan pola defensa do Galego como idioma da Galiza, para participar nesta convocatoria aberta e sen siglas. Dende a nosa web animamos a tódolos socios e simpatizantes de Celtarras a facer acto de presencia para manifestarse contra este fato de zipaios e fascistas.

Se te queres informar sobre Galicia Bilingüe, non tes máis que escribilo no google, e aparecerán un monte de páxinas poñéndoos a parir. Xente con moita pasta e moitos preconceitos contra a nosa lingua.

Difunde e acude.

NA GALIZA EN GALEGO

FASCISTAS FÓRA DA GALIZA

A presidenta do PP en Euskal Herria, a fascista María San Gil Ipollas, visitou o noso país no día de hoxe para dar unha charla na Universidade de Santiago de Compostela, onde foi increpada por medio cento de mozos e mozas antifascistas que lle deixaron ben claro que a escoria como ela non é ben recibida na nosa terra. Houbo enfrontamentos á entrada e á saída, onde a cascuda estivo en todo intre arroupada polos gorilas de turno, quenes non dubidaron en emprega-la súa habitual violencia contra os manifestantes.

CELTA B 1-OURENSE 0

Fotografía cedida por Eugenio Álvarez para a web de Celtarras.

Na sección de vídeos podedes ollar tamén o resumo deste encontro.

EIBAR 2-CELTA 1

Encéndense tódalas alarmas en casa Celta. Tal como acontecera na primeira volta do campionato, os enfrontamentos consecutivos ante Castellón e Eibar saldáronse con dúas derrotas e 0 puntos para o noso equipo. Desta volta, a derrota atopámola máis en deméritos propios que no bo facer do equipo armero, ó que nembargantes non se lle pode negar que puxo o que hai que por para gañar un partido. Un pésimo segundo tempo fixo que o Eibar conquerira remonta-lo gol inicial acadado por Diego Costa no primeiro tempo, e que fainos caer ó oitavo posto, a catro puntos do terceiro clasificado e a trece do Numancia, líder da clasificación.

Unha vez máis repetíronse os erros defensivos, así como a falla de humildade. É porse por diante no marcador, e crerse tan superiores ós rivais que a meirande parte de xogadores célticos apenas loitan e corren, o que fai que nesta tempada sexan numerosísimas as ocasións nas que o Celta deixa de suma-los tres puntos en xogo malia a adiantarse ó rival de turno. Os xogadores célticos deberían ollar para equipos como Numancia, Elxe ou Castellón, por exemplo, e darse conta de por qué están por diante nosa na clasificación. E se non, que observen ós xogadores do Celta B, ós que o andaluz López Caro semella ter tan esquecidos, mentres no primeiro equipo hai xogadores titulares como o recén chegado Rosada que semella aportar máis ó peto de quen o trouxo que no plano deportivo.

Sobre o adestrador, pouco que dicir, xa que os seus números falan por sí sos. Xa poderán estar contentos con el os que tanto increpaban e asubiaban a Vázquez o ano do ascenso porque o Celta non ofrecía espectáculo. 6 vitorias, 7 empates e 4 derrotas son o seu bagaxe dende que chegou ó noso clube. Traducido en puntos, serían 25 acadados sobre 51 posibles, o que significa menos da metade en xogo. Con esas cifras, adeus ascenso.

O vindeiro sábado chega a Balaídos o pechacancelas, que xunto á televisión e a imaxe dada no derradeiro tramo ligueiro polo noso equipo, sería todo un éxito que non baixáramos dos 5.000 espectadores presentes nas bancadas. Todo o que non sexa gañar, cheira a treboada en Balaídos.

Na zona de vídeos xa podedes olla-lo resumo do descalabro céltico en Ipurúa.

MANI EN COMPOS

O CELTA E AS TELEVISIÓNS

O Celta-Poli Ejido, encontro que vai disputarse na vindeira xornada, voltará a ter lugar en sábado de tarde. Unha vez máis, o feito de que o encontro sexa televisado perxudicará en certo modo á asistencia de siareiros ó campo, e en pouco axudará a que as habitualmente despoboadas bancadas de Balaídos presenten unha mellor faciana. Este encontro será, tralos disputados ante Salamanca e Castellón, o terceiro que de forma consecutiva nos televisan como locais en sábado tarde, co conseguinte agravio para os centos de socios do noso clube que traballan en comercio, sector cunha intensa actividade na nosa cidade durante as tardes dos sábados. Mentres dende a directiva tentan, con maior ou menor fortuna, atraer máis xente a Balaídos, as televisións, grazas á súa particular política de horarios en segunda división, semellan un obstáculo importante ó respecto.

A situación semella máis irritante se temos en conta os encontros televisados ó Celta cando éste os disputa como visitante. Nos doce encontros disputados en Vigo (xa sumamos o vindeiro do Poli Exido), as cámaras de televisión estiveron presentes en dez ocasións, e delas, cinco en sábado pola tarde (A Galega) e catro en domingo de mañá (Canal +). De doce xornadas disputadas, únicamente en tres ocasións disputamos encontros en domingo de tarde (dúas veces sen televisión en directo e outra coas cámaras de Localia presentes no campo). Eses tres encontros están, evidentemente, entre os que houbo unha maior presencia de siareiros nas bancadas do municipal vigués.

Nembargantes, nos trece encontros disputados como visitantes, os encontros televisados redúcense a oito, que a pesares de ser unha cifra considerable, amósase moi inferior á de Balaídos. Agardamos que dende eiquí ata o que queda de campionato podamos disfrutar no noso campo de máis encontros no seu horario habitual na tarde dos domingos.

APOIO Ó FILIAL

Dende eiquí animamos a toda a celtarrada a acudir ós encontros que o noso filial disputa en Barreiro. Nas derradeiras xornadas xa estivemos acompañando ó Celta B nos seus encontros como local, e no derradeiro encontro, ante o Rayo Vallecano, xa nos xuntamos preto dunha treintena de membros (e agardamos que en cada encontro sexamos máis). Mañá mesmo, a partires das 12 do mediodía e ante o CD Ourense, temos unha nova cita. E non esquezades que os socios do Celta entran sen pagar, igual que en Balaídos.

VIAXE A EIBAR

Inda que o feito de que o Eibar-Celta da vindeira xornada se dispute o domingo ás cinco da tarde trastocou os nosos plans de viaxe, a nosa idea é que ésta poida sair adiante, así que os interesados en desprazarse a terras bascas poden anotarse dende hoxe mesmo e ata o vindeiro mércores no Bar Luar ou no Piratas do Faro (iso sí, pregámosvos que vos anotedes canto antes). En principio, a viaxe custará 35 euros, e para calquera dúbida e consulta, podedes contactar connosco no noso mail celtarras_gz@hotmail.com

CELTA 1-CASTELLÓN 2

Fotografía sacada de farodevigo.es

Así, non. Unha vez máis, o Celta ollou cómo voaban máis puntos de Balaídos, desta volta ante un Castellón en racha ó que lle bastou unha boa orde defensiva e un par de zarpazos en ataque para levarse os tres puntos de Vigo.

O noso equipo non comezou mal o partido, con dominio no xogo e chegadas á área castellonense, pero unha nova cagada defensiva dos nosos xogadores permitiron ós visitantes adiantarse no marcador, e pouco a pouco o xogo do Celta foi diluíndose, chegando a amosar algúns xogadores un nivel lamentábel, impropio dun equipo que aspira ó ascenso. Nen tan sequera o golazo de Jorge a uns 15 minutos do remate do encontro servíu de estrímulo a un equipo que semellou baixar moi rápido os brazos. Dende o banco tampouco se apreciou reacción ningunha por parte do adestrador, se non máis ben todo o contrario.

Xunto ó debut de Maric no segundo tempo, o lado positivo atopámolo na tremenda igualdade que existe nesta categoría, ou máis ben o mal que están a facelo os primeiros clasificados (poderiamos alcumalo como o pelotón dos torpes), que entre empates e derrotas fixeron que o noso equipo continúe a un punto de distancia do terceiro clasificado, inda que se pasou do 4º ó 6º posto, empatados cunha Real Sociedade que ocupa a sétima praza.

Ademais dos tres puntos, o Celta tamén perdeu a jorge e Perera para o vindeiro encontro ante o Eibar, despois de que un e outro ollaran o quinto cartón amarelo, e pode pasa-lo mesmo con Canobbio, quen tivo que retirarse do encontro mancado, e por tanto é seria dúbida para ese choque do domingo a partires das cinco da tarde no mítico campo de Ipurúa.

¿A HORA DA CANTEIRA?

Rematado o prazo dado pola Liga para a incorporación e marcha de xogadores, o Celta vai quedarse únicamente con 21 xogadores no plantel do primeiro equipo ata o remate do campionato, despois das seis baixas producidas, contrarrestadas únicamente pola chegada do porteiro Luís García e mailos centrocampistas Ariel Rosada e Fernando Sales.

Lonxe de converterse este feito en dramático, ésta debería ser unha nova positiva, pois os xogadores do filial, que tan bo papel están a levar a cabo nesta tempada en segunda B, deberían coller un papel moito máis determinante que ata o dagora no primeiro equipo. Inda que incomprensiblemente caeuse do once titular nas derradeiras xornadas, Roberto Lago debe ser un claro referente para a xente do B. Agora só fai falla que estes xogadores sintan que realmente poden ser importantes para o equipo, e non uns meros parches.

Non nos esquezamos que nas derradeiras tempadas saíron xogadores dende a canteira que en xeral sempre cumpriron cando se precisou deles. Oubiña, Aspas, Israel, Toni Moral, Vila... non foron poucos os que tiveron a súa oportunidade, pero sí os que tiveron unha continuidade que lles permitira despuntar no noso equipo e non ter que emigrar. A todos eles habería que suma-los xogadores que todavía contaron menos para os adestradores do primeiro equipo, e que nembargantes sí amosaron a súa calidade noutros equipos, como por exemplo os casos de Noguerol, Bouzón ou o meta do Sporting Roberto. Maric (convocado xa para o encontro ante o Castellón), Abalo, Richi, Michu e outros tantos xa están petando na porta do primeiro equipo, agardando en poder defende-las cores do noso clube ó máximo nivel.

Ollando o nivel amosado por moitos xogadores do primeiro plantel no que vai de tempada (e non só dos que veñen de abondoa-lo equipo) ás veces un xa non entende por qué non se recurre á canteira, e un só pode pensar en que a causa atopámola en que recurrindo á canteira, habería xente dentro do clube en postos relacionados coas fichaxes que non sacaría a tallada económica que nembargantes sí comisionan certas operacións (vamos, o que vulgarmente se coñece como cazo).

AVANTE A CANTEIRA CELESTE