ELXE 2-CELTA 0

Este equipo é unha ruína. Así de claro. No partido disputado no Martínez Valero, o Celta só existíu nos trece primeiros minutos de encontro, onde se amosou como un auténtico equipo con aspiracións de ascenso a primeira división, pero o enésimo erro en defensa propiciou que o conxunto ilicitano puidera adiantarse no marcador xusto nese intre, e que acto seguido o xogo do equipo galego desaparecera por completo. Cuns 80 minutos todavía por diante, o Celta deixou unha imaxe pésima, cunha atitude impropia nuns xogadores ós que hai que esixirlles un maior compromiso, e con continuos erros defensivos (o dos centrais xa é de traca) e sen crear apenas ocasións de perigo sobre a meta rival.

Os nosos xogadores nen tan sequera nos deixaron un arreón final na procura cando menos do empate, e mesmo puideron encaixar un terceiro gol ante un rival claramente inferior pero moito mellor plantado sobre o céspede no conxunto do encontro, e coas ideas claras. Mentres non saibamos comportarnos sobre o céspede como un auténtico equipo, mal van pinta-las cousas, sobre todo tendo en conta que o adestrador semella bastante perdido e non é quen de atopar solucións para que o noso equipo xogue a algo.

No encontro ante o Xerez do vindeiro sábado ás 18:30 horas en Balaídos, o Celta está de novo obrigado a gañar, e para que logo os xogadores de turno non nos poñan como escusa, os siareiros que acudamos a Balaídos debemos empurrar ó máximo dende a bancada para demostrarlles que detrás deles teñen a unha hinchada que sabe o que é senti-las cores do Celta. O sábado, todos a Balaídos e a polos tres puntos.

NOVA SECCIÓN

Queremos presentarvos a unha nova sección do grupo, formada recentemente por preto de 15 mozos que queren dar guerra, e que se unen a outras xa existentes como Celtalkol, Porrostroika ou Punkteareas. Este pasado domingo repartíronse pola nosa bancada unhas octavillas onde, ademais de pedir á xente que se fixera socia de Celtarras, se lle animaba tamén a formar seccións cos colegas, nun xeito de dotar á nosa peña dunha mellor organización. Agardemos que non sexan os derraderiros en aparecer, e que máis xente se anime a crear novas seccións.

CELTA 2-AS PALMAS 0

O Celta semella este ano empeñado en tirar tódalas primeiras partes. Neste encontro chegouse cun novo empate sen goles ó descanso, e co equipo deixando unha imaxe moi pobre, o que fixo que unha parte do estadio despedira ó equipo, ou mellor dito, a Stoichkov, cuns cantos asubíos cando ían camiño dos vestiarios.

No segundo tempo, o Celta deixou outra imaxe, e dous grandes goles do chipriota Okkas déronnos a primeira vitoria da tempada en Balaídos, e segunda consecutiva na liga. O Celta todavía gozaría dalgunha ocasión máis para incrementa-la conta, pero o marcador xa non se movería.

Agardemos que o vindeiro domingo, a partires das 12 do mediodía en Elxe (e televisado por Canal +) continúe a progresión do equipo en canto a resultados.

O feito de que por fín se disputara un encontro como local en domingo de tarde fixo que as bancadas presentaran un aspecto algo mellor que nos dous compromisos anteriores, e tamén podemos sinalar que a animación foi superior a xornadas anteriores, destacando sobre todo o triángulo Comando Celta-Esmorga Celeste-Celtarras.

Como nota negativa, temos que salientar que á festa de onte tamén quixeron sumarse os gardas de seguridade e policías antidisturbios desplazados ó noso campo. Os primeiros (non todos, iso hai que dicilo, xa que entre eles, mesmo hai quen ten recriminado a conducta dalgún compañeiro) levan un tempo bastante crecidos e cunha atitude moi chulesca e prepotente, e que propiciou que durante o descanso se viviran intres de tensión. Pero a traca final chegou cara o remate do encontro, cando un deles quiso converterse en protagonista saíndo da nada para irse cara un siareiro da bancada de Preferencia cuio delito era estar diante de todo, preto do foso, axitando e movendo os seus brazos animando ás bancadas de Balaídos. E non quedou a cousa aí, xa que ese individuo ó que non imos calificar fixo que apareceran varios antidisturbios que, increpados por boa parte das bancadas de Fondo e Marcador, non dubidaron en entrar a Preferencia para levarse ó suxeito en cuestión cando o encontro estaba xa a piques de rematar. Varias persoas botáronse cara o valado que separa Fondo de Preferencia para increpar ós gardas de seguridade e antidisturbios, e denunciar un esceso de celo por parte déstes.

O que nos sorprende, é que xa hai voces que pretenden xustifica-lo inxustificable para critica-la nosa acción, argumentando que o home entrara ó campo colándose (cando o tipo apareceu nesa bancada, as portas xa estaban abertas, e calquera puidera ter entrado), ou que estaba borracho (a simple vista, o tipo non daba sensación de estar moi trompa, e non cremos que ninguén puidera queixarse de que estaba a molestalo). Os únicos culpables desa situación foron os que paradóxicamente traballan por mante-la orde, que no derradeiro intre viñeron a provocar a unhas bancadas que celebraban o noso primeiro triunfo como locais do presente campionato ligueiro.

TRUJO GOGOAN ZAITUGU

Desta volta, temos que lamenta-la morte do mozo de 21 anos Iñaki Trujillo "Trujo", compañeiro da peña alavesista Eztanda Norte Hintxa Taldea. Dende Celtarras queremos mandarlle un forte abrazo ós seus familiares e amigos, e a todo o grupo ENHT en xeral, querendo darlles ánimos nestes duros intres, e recurrindo ó típico tópico destes casos, que a vida continúa e non queda outra que tirar para adiante.

DEP

Inoiz baino ozenago entzumgo da zerutik... Beti Alaves!

SMS ANTICELTA

Texto sacado de TODOCELTA.COM

Aínda que supoñemos que moitos de vós a estas alturas xa estaredes enterados sobre este asunto, non podiamos nin debiamos obvialo pola súa máis que reprobable intención.

Para os que non esteades ao tanto, poñémosvos en situación. E é que nas últimas horas anda a circular unha sms polos teléfonos móbiles dos celtistas unha mensaxe curta na que se insta aos siareiros célticos a desertar da nosa casa, de Balaídos, para facer Boikot á directiva actual. O texto en cuestión é o seguinte:

Celtistas¡¡ La gestion d sta Directiva lleva al ekipo a 2 B o a la desaparicion. Reacionemos ahora K aun estamos a tiempo de evitarlo¡¡ BOICOT A LA DIRECTIVA¡¡ K no acuda a Balaidos nadie el proximo partido. K este solo la DIRECTIVA contemplando su obra.¡¡ PASALO¡¡

Cando semellaba que certo sector do celtismo xa tocara fondo na carreira por conseguir a iniciativa máis estúpida posible, atopámonos con esto. Un chamamento ao abandono do equipo na xornada número catro para evitar que o equipo acabe na segunda B ou na desaparición.

Queremos pensar que esta iniciativa procede dun sector moi minoritario da bancada de Balaídos (se é que son abonados do clube) ou dun descerebrado aburrido con saldo.

Pero sinceramente, o que máis me preocupa, é a caza de bruxas á que esta sometida esta directiva. Este SMS non pasa de ser unha mera anécdota pero que deixa entrever a aversión que parte da afección sinte cara este consello.

No canto de apoiar e remar todos cara o mesmo lugar nestes difíciles momentos, estamos a gastar as nosas forzas en disputas inútiles que non reportan nada positivo.

Certo é que este consello tomou decisións moi impopulares (¿afoutas quizáis?) que, únidas a un fracaso deportivo no seu primeiro ano de mandato minaron moito a súa valoración e aceptación na rúa. Pero o que non acepto son eses argumentos baleiros que nos intentan facer ver unha mala vontade por parte de quen dirixe os destinos deste club. Nin os acepto, nin os creo.

Pola miña parte eu estarei en Balaídos o domingo. E estou seguro que o resto de celtistas de corazón tamén estarán ali. E tamén espero, que o autor desta SMS e os seus palmeiros non estean, porque non necesitamos a “esa” afección.

UNHA NACIÓN UNHA SELECCIÓN

O fútbol (ou máis concretamente as seleccións nacionais) foi protagonista onte no Congreso dos diputados do estado español, cando representantes de ERC e CiU levaron a éste dúas propostas sobre as seleccións deportivas. Como en calquera recinto deportivo, saíron a relucir camisolas de tódalas cores. Finalmente, os votos de PP, PSOE e Coalición Canaria propiciaron a victoria por goleada dos españolistas.

A discusión foi aberta polo republicano Joan Puig, expoñendo a iniciativa pola cal os deportistas poideran negarse a xogar coa selección española invocando calquera motivo, mesmo ideolóxico. El mesmo confesou atoparse entre os milleiros de cataláns, bascos e galegos que non disfrutan dos triunfos da selección española. Tamén acusou ó PSOE de xogo sucio e malas artes, por frear unha reivindicación que os propios socialistas apoiaran en xuño de 2004 cando se debateu unha moción semellante. Para o mesmo diputado, esa actitude esconde un medo a perder, tal como aconteceu cando Catalunya venceu ó combinado español en fútbol sá.

A continuación, Josep Maldonado, de CiU, foi o primeiro en ensina-la camisola da súa selección, mentres sinalaba que esta camisola leva impreso o nome de Catalunya e a senyera catalana, axúdennos a que moi cedo a senyera e o nome de Catalunya podían ir por todo o mundo competindo con dignidade, con serenidade,...

Posteriormente foi Aitor Esteban, do PNV, quen amosou unha prenda deportiva verde de Euskal Herria, sinalando que eu tamén quero deixarlles claro cal é a nosa camisola, á que o sentimento do meu grupo vai unido; a esta camisola e a estas cores é ó único que o noso sentimento vai unido, a que nos emociona.

Pero non quedou aí a cousa, xa que o seguinte intervinte foi un diputado ceutí do PP, que durante a súa intervención tamén exhibíu a camisola da selección española. Por parte do BNG houbo igualmente presencia de camisolas da nosa selección.

Ó remate da sesión, houbo foto de familia dos diputados nacionalistas portando as cores das súas respectivas seleccións.

No que nos toca máis directamente, é curioso olla-la ambigüedade coa que se comporta o BNG neste tema (como en tantos outros), situándose ó carón dos que reclaman o seu dereito a contar cunha selección de seu en competición oficial e ó mesmo tempo ser partícipes da presencia de diferentes seleccións españolas no noso país (a derradeira, a de baloncesto en Ourense).

SOCIOS CELTARRAS

A partires deste domingo, e dende unhas duas horas antes do comezo do encontro do Celta ante o Las Palmas, xa poderedes facervos, por únicamente 10 euros, socios de Celtarras. Poderedes anotarvos tanto na nosa zona habitual antes dos encontros ou mesmo no interior da bancada de Fondo durante o descanso. Dende esta tempada, procuraremos que os socios se beneficien en canto a descontos en viaxes, material, etc, así como noutras cousas relacionadas con esta peña.

Xa se están facendo os carnets, desta volta en formato tarxeta de crédito, a agardamos telos xa disponibles precisamente para este vindeiro domingo, para poder dalos no mesmo intre no que cada persoa vaia facéndose socia. Así que xa sabedes, este finde a facerse todos socios.

CELTARRILLA INFILTRADO

A seguinte foto, da cal soubemos por un compañeiro de HNT, corresponde ó encontro que disputou o Athletic de Bilbao o pasado sábado ante o Zaragoza en San Mamés. Como podedes ollar, en medio da chavalada local fotografiada co equipo roxibranco, hai un rapaz infiltrado cunha camisola (segunda equipación) do Celta de fai varias tempadas. Unha proba máis de que a relación entre os siareiros dos nosos equipos é moi boa.

POLI EXIDO 0-CELTA 1

Chegou por fín a primeira vitoria da tempada para o noso equipo; iso sí, a imaxe dada polos nosos no campo do Poli foi bastante mala, tendo en conta sobre todo o feito de que o equipo andaluz quedouse cun home menos por expulsión antes de que o encontro chegara ó minuto 5. Abuso de pases en longo e rifando a bola, continuos erros e imprecisións nos pases, defensa moi endeble... polo que se veu hoxe, todavía queda moito camiño que andar para que o noso equipo se comporte como tal, e como un serio aspirante a estar na vindeira tempada na primeira división.

Ó igual que nas tres xornadas anteriores, chegouse ó tempo de lecer con empate sen goles, sendo no segundo tempo cando o marcador sufríu variacións. O que é inexplicable, é que con ese importante feito de termos un xogador máis prácticamente todo o encontro (co conseguinte desgaste físico que se lle presupón ó rival), tiveramos que remata-lo encontro case que pedíndolle a hora ó árbitro e cun Poli Exido achuchándonos. Ademais, dende o banco semella que non se teñen as ideas claras, e os trocos de xogadores e mesmo tácticos, en ocasións, carecen de lóxica.

No positivo, ademais dos tres puntos colleitados tamén destacamos de novo a actuación de varios xogadores, como Vitolo ou Núñez (este último, que xa é pichichi céltico despois de acada-lo seu segundo golazo da tempada), que tiraron do equipo en diferentes fases do encontro. Agora non queda outra que mellorar esa imaxe no vindeiro encontro ante o As Palmas en Balaídos, pero sobre todo que eses puntos en disputa non se escapen do noso estadio.

Nun primeiro intre, a data e hora fixadas para ese encontro son o vindeiro domingo a partires das sete do serán, e por tanto sen cámaras de televisión dando o partido en directo.

RECONQUISTA DE TORALLA

Na tarde do sábado 8 de setembro celebrouse, tal como estaba programado, un acto lúdico e pacífico en reivindicación do uso e disfrute público da illa de Toralla, organizado polo colectivo vigués Xogo Descuberto.

Neste acto solicitábanse os seis metros de linde ó redor da illa para uso común, que ven descrito na vixente lei de costas do ano 88; tamén se pretendía denunciar o impacto ambiental e visual da torre de Toralla e outras construccions.

Participaron ó redor de 300 persoas, entre "piratas" músicos, bañistas, nenos, nenas e maiores que de xeito simbólico tomaron a illa. Lido o comunicado, recolléronse as faixas e rematou a concentración. Acabado o acto, un bo número de participantes entraron na illa dando un paseo pola vía publica.

Nese intre, 3 furgóns antidisturbios irrumpiron entre os paseantes de xeito totalmente inxustificábel, con actitudes violentas, porras en man alzada, empurróns e outras agresións, ofrecendo unha pésima imaxe aos nenos e nenas asistentes. O máis significativo e lamentábel é que a maioria das agresións se produciron no intre en que a xente abandoaba tranquilamente a illa, destacando a sufrida por un cámara e por outros transeúntes que recibiron máis dun porrazo…

Máis fotos en:

http://galiza.indymedia.org/gz/2007/09/12260.shtml

http://galiza.indymedia.org/gz/2007/09/12249.shtml

Vídeo en:

http://blip.tv/file/371456

ARTIGO TODOCELTA

Na web todocelta.com adiantáronse a nós cun interesante artigo que fai mención ó xornal gratuíto que o Celta elabora e dstribúe pola cidade e ás portas de Balaídos cada vez que o equipo xoga en casa, e que sorprendentemente (ou non) está levando a cabo unha progresiva metamorfose no tocante ó emprego do idioma galego, cando no seu inicio fai escasamente un ano abogaban precisamente por un emprego maioritario do idioma do noso país nas súas páxinas.

Hoxe toca falar do xornal do RC Celta. E é que a publicación quincenal do RC Celta sofriu pequenas pero sustanciais variacións respecto ao que nos tiña acostumados a temporada pasada.

A cor de Galicia naceu como renovación das antigas publicacións do clube que se entregaban de xeito gratuito no municipal vigués. Na súa presentación, salientouse o marcado caracter “galego” da publicación froito do acordo de colaboración que tiñan con Merlín, unha división da editorial Galaxia.

Por primeira vez na historia, o RC Celta tiña un medio de comunicación de seu feito case integramente na língua do país. A publicación incluía tamén artigos en castelán, asi como en línguas extranxeiras, cando nos visitaba algún rival doutro estado (léase Eintracht, Fenerbahçe, Werder, etc).

Máis esta situación mudou radicalmente esta temporada. “A cor de Galicia” cambiou de formato, de língua e polo que parece, de editores. Lemos nas dúas primeiras edicións desta temporada que Melín ( e polo tanto Galaxia) xa non producen o xornal.

Semella este o motivo polo que a língua galega perde forza neste medio de comunicación ocupando unha posición case residual respecto á totalidade da publicación.

Igual acontece coas outras formas de comunicación do clube. Sorprendía a comezos da era Mouriño, a forza coa que o galego irrumpía na comunicación do clube coa xente. Incluso colectivos como a MESA, premiaron ao clube polo seu compromiso co galego. Ademáis do xornal, os carteis publicitarios, campañas en diversos medios, etc, eran publicados na língua propia de Galicia, algo insospeitado ata o de agora, e que nestes últimos meses estáse a perder.

Respectando a liberdade de elección de língua e ese mal chamado bilingüismo armónico, arelamos que o galego non caia no esquecemento por parte do que intenta ser, o maior e mellor club de Galiza.

UN BERRO DE DESESPERACIÓN

No mesmo blog de todocelta.com atopamos unha carta referente ó encontro do pasado sábado e a situación actual que está a vvi-lo noso equipo, que lles enviou un celtista disgustado (agora mesmo, todos estamos así) e que tamén cremos oportuno traer á nosa web. A fin de contas, nas seguintes liñas tamén hai referencias a nós:

Hola a todos.

Esta tarde viví uno de los momentos más duros como Celtista. Se siente una enorme impotencia al ver cómo los cientos, miles de horas que le estamos dedicando al Celta no acaban de dar resultados. Llevamos más de un año trabajando sin descanso, poniendo al límite nuestras relaciones familiares (hijos, pareja…) por la tensión que genera todo lo que rodea al Celta. Y todo ello con un único objetivo: consolidar un club en primera división con aspiraciones de luchar por algo más que por la supervivencia (qué lejos se ve ahora este objetivo¡¡¡).

Este sábado, una vez más, el equipo defraudó a todo el Celtismo, a toda la afición, y sobre todo a los 6.633 que estábamos en Balaídos.

Hay días que me planteo si todo esto tiene sentido, si el desgaste personal, familiar, económico y social que estamos sufriendo valdrá para algo. Sinceramente, lo que me hace seguir adelante (y creo que a mi familia también), es sentir cosas como lo que habéis hecho esta tarde en Balaídos. Con un equipo patético, de nefasta apariencia en el campo, Marcador y Fondo comenzaron a cantar de menos a más. Cantaba cada vez más alto (…alé, alé, alé…), os contagiabais llevados por un sentimiento de responsabilidad y un compromiso que los que estaban en el césped y cobran bastante más que todos nosotros juntos nunca sentirán.

El Celtismo no va en la nómina, sino en el alma de un pueblo. De repente, la gente en las otras gradas ya no veía el partido, os veía a vosotros. El escalofrío fue la sensación dominante, junto con admiración y respeto hacia los que os sentíais capaces de cambiar el rumbo del partido desde las butacas.

Cuando Río y Tribuna empezaban a contagiarse de vuestros cánticos me tuve que ir de mi asiento. Se me saltaron las lágrimas empujadas por un sentimiento de responsabilidad e impotencia que me llenó de rabia. Desde las escaleras que están al lado del palco seguía escuchando el cántico (…alé, alé, alé…) y veía al equipo empezar a luchar con cabeza. Los jugadores cambiaron su actitud porque entendieron que el celtismo no quiere estar encima de sus hombros como una losa, sino en su corazón para hacerle latir más fuerte que el del contrario. Los estabais empujando con vuestra voz, con vuestra ilusión. Al final eso fue, una ilusión… “coma sempre, o de sempre”. Para qué contarlo…

No se os puede pedir más, ni tampoco se os puede dar menos. Tampoco sé qué más se puede hacer; me imagino que será consecuencia de la derrota. El lunes nos levantaremos y seguiremos dedicándole a esto todo el tiempo y toda la ilusión, que seguimos teniendo gracias a que gente como vosotros lleva estos colores con virtudes casi paternales: generosidad, lealtad, cariño, compasión, esfuerzo, ayuda y sobre todo amor, mucho amor hacia el Celta a pesar de su histórica ingratitud.

Os pido disculpas por el ladrillo que os acabo de lanzar, pero necesitaba desahogarme y lanzar un grito de agradecimiento… y desesperación.

HALA CELTA

SEGUIMOS EN TELEVISIÓN

Despois de ser televisados por Canal + e A Galega nos tres encontros ligueiros disputados ata o dagora, Localia, a outra canle que emite encontros da segunda división xornada tras xornada, dará en directo o encontro que o noso equipo disputará na cancha do Polideportivo Ejido o vindeiro domingo a partires das seis da tarde. A ver se esta canle nos da a boa sorte que non tivemos coas outras dúas.

CELTA 0- EIBAR 1

Desta volta, á terceira non foi a vencida, e unha vez máis non fumos quen de gañar un encontro no actual campionato ligueiro. 1 punto acadado de 9 posibles non é unha vagaxe acorde cun equipo que aspira a estar nos postos de ascenso ó remate do campionato, e os dous vindeiros choques, ante Poli Exido en terras andaluzas e As Palmas en Balaídos, adquiren certo dramatismo, pois de non sacalos adiante, a distancia cos primeiros postos pode agrandarse bastante (nestes intres, por exemplo, un rival directo como é o Málaga xa nos saca oito puntos de ventaxe trala súa contundente vitoria por 4-1 ante o Córdoba), e o obxectivo do ascenso pode poñerse moi caro e costa arriba.

É evidente que un grande número de xogadores deste Celta pode afirmarse que están agora mesmo inmersos nunha especia de pretempada, pero independentemente dese feito, comeza a preocupar a falla de actitude e contundencia en moitas fases do encontro, algo que non ten que ver co grao de compenetración duns xogadores cos outros. Ademais, os despistes defensivos seguen facilitando goles do equipo rival de turno, mentres no centro do campo non hai unha referente que saiba crear e distribuir xogo. A todo isto, hai que engadir unha non menos preocupante falla de capacidade goleadora.

Agardemos que esta situación se arranxe nestes vindeiros encontros, e que chegue ese primeiro triunfo que lle dea ós xogadores máis tranquilidade, e que serva para que a ansiedade non se extenda por todo o plantel.

UN ADEUS DESEXADO

Este pasado mércores, o Celta despedíuse, en Málaga, do torneo de Copa ás primeiras de cambio, algo normal para un clube que, como o noso, ten o obxectivo de acada-lo ascenso á primeira división, cicais o hábitat máis natural para un equipo da entidade e historia do Celta.

Pero semella que dende certos sectores do celtismo, alentados en parte por algún xornal enfrontado coa actual xunta diretiva do equipo, non perden oportunidade de emporcar máis na xa de por sí tensa situación actual que no social está a vivi-lo Celta. Non nos enganemos, que este equipo continúe un ano máis en segunda podería ser calificado como auténtico fracaso, pero caer eliminado na primeira eliminatoria nesta competición de copa podería ser definido mellor como estratexia ou decisión máis acertada.

Ollando a aliñación coa que saímos na Rosaleda, estaba claro que o Celta non é que tivera moitas enerxías postas no envite, así que non é lóxico que se saquen conclusións esaxeradas deste choque. ¿Que mellor titular para o día seguinte que un centrados no ascenso ou e agora a polo ascenso?. Non, é mellor falar de nova derrota, mala imaxe, fracaso… Tal como fixeron este verán moitos dos xogadores que nos descenderon, entre os xornalistas vigueses tamén hai moitos que antepoñen os seus intereses e enfrontamentos persoais con certos estamentos do clube ó ben do Celta como institución.

Pensar nun Celta campión de copa nesta tempada era unha auténtica utopía, como para calquera equipo que non milite na primera división, e postos a caer eliminados, qué mellor que facelo agora que meses máis tarde, co que elo conleva. Porque un partido entre semana racha co ritmo de adestramentos e non permite preparar nas mellores condicións o partido do sábado/domingo seguinte, o verdadeiramente importante nesta campaña 07/08. E non so iso; ¿Que pasaría se un ou varios xogadores importantes caíran mancados ou sufriran un cartón vermello directo disputando esa competición?. Seguramente, moitos dos que agora queren darlle suma importancia ó encontro de copa, nesas hipotéticas situacións seguro que criticarían que o Celta estivera a distraerse coa Copa cando o verdadeiro obxectivo da tempada debería ser centrarse na consecución do ascenso.

Démoslle á copa a imporanci¡a que ten, e centrémonos nun campionato ligueiro que non vai ser nada doado, e onde sí que debemos esixir un maior compromiso por parte do plantel.

O CELTA-EIBAR, O SÁBADO

Segundo anunciou hoxe mesmo a Galega, o Celta-Eibar da vindeira xornada ligueira terá lugar o sábado ás 18:30 horas, sendo retransmitido en directo por esa mesma canle. Tal como acontecera no anterior paso pola segunda división (lembremos que o Celta chegara a redactar unha carta na que solicitaba que non se lle televisaran tantos encontros nesa franxa horaria), este particular horario, onde por exemplo todo o sector do comercio está aberto, fará que Balaídos rexistre unha imaxe bastante pobre en canto a asistencia de siareiros, pero xa se sabe que desgraciadamente, agora mesmo son as televisións as que mandan.

A VOLTA XA DEIXOU O PAÍS

A NOSA HISTORIA

Estas dúas fotos, pertencentes á pequena exposición que se levou a cabo no Piratas do Faro con motivo da celebración do noso XX Aniversario o pasado 18 de agosto, foron sacadas por un compañeiro de City Boys, e serven para acompañar estas liñas nas que queremos lembraros que seguimos traballando a reo na elaboración dun libro coa historia de Celtarras ó longo destas dúas décadas de existencia, e que tentaremos ter rematado para despois do nadal. Temos que salientar que é difícil avanzar nel por mor da enorme cantidade de información xornalística e documentación gráfica que fumos recollendo durante todo este tempo. De todos modos, quen posúa material que considere que pode sernos de utilidade, sabe que estamos abertos a todo tipo de colaboración.

Por certo U****s, a vindeira vez que saques una foto e vaia sai-la data, a ver se poñes a correcta. Apertas colega.

CASTELLÓN 2 CELTA 1

Segundo encontro da tempada, e segundo que comezamos gañando, pero que ó remate do encontro non somos quen de suma-los tres puntos en xogo. E desta volta, en Castalia, nen tan sequera quedámonos con un. E iso que a imaxe dada no estadio castellonense foi considerablemente mellor que a ofrecida na estrea ligueira. Hai que ter en conta que este equipo está armándose todavía, e algún xogador, como Vara, mesmo xogou varios minutos sen ter adestrado co equipo; non esquezamos tampouco que hai xogadores dos que deben ser importantes esta campaña que todavía están chegando á nosa cidade para incorporrse á disciplina do equipo. Neste senso, facémonos unha pregunta: ¿para que serven entón as pretempadas?. O Celta vai camiño xa da terceira xornada ligueira, e nembargantes é agora cando realmente comeza a pretempada, cos xogadores que finalmente van defende-las nosas cores. ¿Para que tanto partido amigable con xogadores que xa non están ou que apenas van contar para o mister cando se sabía que ata os derradeiors días previos ó peche do prazo de fichaxes non ían levarse a cabo o 90% das fichaxes?. Voltando de novo a este encontro, o caso é que esta derrota é bastante achacable a esa falla de acoplamento duns xogadores cos outros, ademais da nefasta actuación arbitral, que resultou ser bastante perxudicial para os nosos intereses.

A meirande parte das incorporacións para esta tempada deixaron algunhas pinceladas do que poden aportar ó equipo, e fannos ser optimistas de cara ó futuro (esperamos que non moi lonxano, non vaia ser que cando o equipo estea conxuntado e a outro nivel xa haxa tres equipos que nos saquen un amplo número de puntos). Cicais unha das cousas máis negativas deste encontro, foi a falla de concentración en diversas fases do xogo, algo que nos custou unha morea de goles en contra a pasada tempada e que de momento imos polo mesmo camiño nesta nova andaina pola segunda división.

QUINCY OWUSU-ABEYIE

PECHOUSE O MERCADO

Rematou o período de fichaxes, e por fín podemos confirma-lo plantel definitivo do Celta para esta tempada 07/08 que hoxe mesmo afronta a súa segunda xornada. As derradeiras horas foron frenéticas no seo do noso clube, algo que era de esperar. Se durante a xornada do xoves se pechaban as cesións de Vara (convértese no terceiro xogador procedente do filial do Atlético de Madrid) e Agus (procedente da canteira do Real Madrid), o día de onte resultou bastante fructífero no tocante a movemento de xogadores. Se días atrás se concretaba a marcha de Ángel ó Vila-real, onte se anunciaba a cesión de Oubiña ó Birmingham City, ó tempo que saltaba a sorpresa coa marcha de Javi Guerrero ó Recreativo de Huelva. Lequi e Contreras, xogadores ós que se tentou traspasar nas derradeiras semanas non atoparon destino, e por tanto quedan no plantel, a pesares de que non foron incluídos entre os xogadores que hoxe estarán en Castellón. Placente, pola súa banda, non puido pecha-lo seu pase ó Wigan por problemas co seu pasaporte, polo que tamén quedará en Vigo, inda que neste caso sen ficha, ó estar xa cubertas as plazas de extracomunitarios.

Outro caso curioso foi o de Perera, a quen se tentou dar saída despois de que o pasado domingo xa non estivera, para sorpresa de todos, convocado para o inicio ligueiro ante o Córdoba. Pola mañá dábase por segura a súa fichaxe por outro equipo de segunda, e despois de descartarse o troco de cromos Calle-Perera co Albacete, mesmo se lle deu a carta de liberdade para que puidera fichar por quen quixera (Elxe e Nástic soaban entón como probables destinos para o dianteiro extremeño). A iso das oito e media da tarde anunciabase a súa fchaxe polo Nástic, pero a negocación rachouse no derradeiro intre, así que os minutos pasaron e Perera pasou de estar cos dous pes fóra do equipo a permañecer no noso equipo unha vez soaron os sinais horarios das 12 da noite.

En canto a incorporacións, pola mañá era presentado o dianteiro internacional chipriota de 30 anos Yiannis Okkas (na foto superior, ollámolo disputando un encontro coa súa selección), que chega procedente do conxunto grego do Olympiakos. A media tarde tamén se confirmaba a cesión de Adrián González, outro que tamén chega procedente da canteira madridista, e que é fillo do ex-xogador do Madrid Michel. No derradeiro segundo, o extremo holandés Quincy Owusu Abeyie convertíase na derradeira incorporación céltica para esta tempada, polo menos ata que se abra o vindeiro mercado invernal.

Con estes movementos, o plantel queda pechado, e en todocelta.com fan a seguinte análise, liña por liña, da mesma:

A única posición que non variou con respecto ao pasado ano. Esteban e Pinto volverán ser os ocupantes da portería. O gaditano parte con certa vantaxe pero non poderá relaxarse xa que Stoichkov xa demostrou á súa chegada ao Celta o seu gusto por Esteban. Yoel será o terceiro porteiro.

Pouco vai quedar da desastrosa defensa que nos levou a segunda. Ángel, Tamas, Areias, Yago e Placente (o club deixoulle sen ficha administrativa) son baixa.

O lateral dereito non ten dono fixo. O disputarán o brasileño George Lucas e Julián Vara, xogador procedente do filial do Atlético de Madrid do que era capitán. O canteirán Richy podería a terceira opción como xa demostrou no primeiro partido.

O posto de central é un dos máis masificados. Rubén (central procedente do Racing) e Peña (procedente do Villarreal) parten como titulares aínda que terán unha feroz competencia. Lequi, Contreras, Agus (procedente do R.Madrid Castilla) e o canteirán Richy buscarán a súa oportunidade.

O lateral esquerdo ten, a priori, un ocupante sólido: Petar Zanev. O búlgaro, procedente do Litex Lovech, ten gañada a confianza de Hrito Stoichkov. Roberto Lago esperará a súa oportunidade no banco. Agus tamén pode xogar nesta posición.

A zona de contención, a diferenza do ano pasado, é unha das posicións mellor cubertas. Ningún dos pivotes do ano pasado estará no equipo. Oubiña e Pablo García xogan en novos destinos e Iriney manten un contencioso coa directiva viguesa mentres se recupera da súa lesión. A creacion e, maiormente, a destrución do xogo recaerá en Roberto (volve tralo seu paso polo Salamanca), Mario Suárez (procedente do Atlético de Madrid), Vitolo (do Racing de Santander) e o canteirán Jonathan Vila.

A banda dereita tamén sufriu baixas este verán. O holandés De Ridder e o moañés Jonathan Aspas xa non pertencen ao Celta. O que si segue é o madrileño Antonio Núñez, que ten a titularidade ben enfilada. Guayre é o seu sustituto natural, pero, por mor das súas lesións, o seu rendemento é unha incognita. O canteirán Dani Abalo abofé que terá algúns minutos.

A banda esquerda é nova totalmente. Despois da polémica saída de Gustavo López e o traspaso de Nené ao Mónaco o equipo quedou orfo temporalmente. No primeiro partido de liga Roberto Lago ocupou esa posición, pero as chegadas de Adrián López (o fillo do mítico Michel, que procede do R.Madrid Castilla) e a fichaxe estrela Quincy fan a súa titularidade moi complicada.

A mediapunta é unha das posicións que permanecen inamovibles. O “irregular” Fabián Canobbio seguirá sendo o termómetro do Celta. Se o rendemento é medianamente bo ten a titularidade máis que asegurada. Das súas botas dependen moitas das nosas esperanzas no ascenso. Jorge Larena permanecerá no banco á espera dalgunha oportunidade, que abofé que terá.

A dianteira é a zona que máis incertidumbre crea do plantel céltico. Sairon Bamogo, Baiano e J.Guerrero a última hora. Chegaron Manchev (chegou libre despois de acadar o ano pasado o ascenso co Valladolid), Diego costa (cedido do Atlético de Madird) e o chipriota Okkas (chega libre procedente do Olimpiakos). O caso Perera foi unha das sorpresas da derradeira xornada xa que falouse de posible traspaso, dunha posible carta de liberdade ou da súa baixa federativa.

A titularidade é unha incognita. Parece que de comezos e ata a aclimatación de todalas pezas, o que máis papeletas ten para ser titular é o búlgaro Manchev, aínda que a calidade de homes como Diego Costa, Akkos e “bota de oro” Perera daranlle a Stoichkov moitas alternativas.