GOLES CELTA-STANDARD

25 ANOS DE MUJIKA

A pasada fin de semana, os nosos camaradas da Peña Mújika celebraron os seus 25 anos de existencia e de apoio constante á Real Sociedade. Para os festexos que levaron a cabo, con partidos de fútbol, exposicións, comidas, concertos,... convidaron a representantes de diversos colectivos de siareiros cos que confraternizaron durante todo este tempo. Unha representación de Celtarras non faltou á cita, e estivo presente nos diferentes actos levados a cabo dende o sábado ata o domingo, con presenza dalgúns xogadores do conxunto txuri-urdín incluida. Como sempre, o trato destes compañeiros connosco foi fenomenal, e coma sempre que pisamo-lo seu país, sentímonos como no noso propio.

Dende Celtarras felicitámolos por eses 25 anos ó pe do cañón, apoiando sempre á súa Erreala e loitando contra o fascismo e por unha Euskal Herria ceibe.

ZORIONAK

MUJIKA TALDEA SEGI AURRERA!!

O OUTRO CELTA-STANDARD

Non tiñamos previsto realizar unha crónica tan extensa da previa e do post-partido de onte, pero despois de escoitar e ler certas acusacións, mentiras e insultos contra Celtarras, queriamos aclarar certas afirmacións, como por exemplo as escritas no Faro de Vigo, onde, como xa non é a primeira ocasión que acontece, invéntanse historias partindo dende o máis absoluto descoñecemento.

Na tarde do mércores previo ó encontro da UEFA entre Celta e Standard, contactamos coa avanzadilla de compoñentes do grupo Ultras Inferno 96, ós que fumos buscar ata o camping de Baiona, onde se aloxaron trala súa chegada dende o aeroporto portugués de Porto. Sinalar que resultaron ser boa xente, e moi amigos do alcohol e a maría. A noite rematou con cea de benvida, festa e degustación de productos da terra, quedando os nosos convidados encantados co licor café. Mesmo adicáronlle unha canción.

Como é costume neste tipo de encontros, os celtarras máis tempraneiros comezaron a chegar a primeiras horas da tarde, así como os compoñentes de UI96, tanto os que estaban dende o día anterior como os chegados o mesmo xoves á nosa cidade. Trocouse diverso material con eles, e posteriormente pagamos un barril de cervexa para seguir coa festa. Así foi pasando a tarde, sen ningún tipo de problema cos numerosos siareiros do Standard que pasaron por alí, incluidos compoñentes de Hell-Side.

O único intre de relativa tensión tivo lugar cando un fato de supporters visitantes ó máis puro estilo casual sacaron unha bandeira de Gran Bretaña, que rápidamente gardaron ó ollar que non era ben vista pola xente de aquí.

Pero a escasos minutos para o inicio do encontro, e despois de encender unhas bengalas que trouxeran os membros de UI96, plantáronse diante nosa un grupiño de hooligans do Standard buscando pelexa (segundo nos dixeron os membros de UI96, non pertencentes a ningún grupo organizado); en canto a xente foise a por eles, tiveron que escapar e perderse por detrás do cordón policial. Pouco antes deste incidente, contáronnos que algún membro de UI96 que estivera connosco dende o día anterior fora agredido por outros membros da expedición chegada dende Liexa, e desconfiamos que o motivo fora a súa amizade connosco.

Falando cos nosos coñecidos belgas, confirmáronnos que algúns hools-casuals do Standard viñan a Vigo na procura de pelexa, e sabendo do costume que hai en paises como Bélxica ou Holanda de visitar os bares dos grupos rivais minutos despois dos partidos para destrozalos, era factible que voltaran por alí de novo.

Durante o encontro, o ambente e o aspecto da nosa bancada foi bastante bo, tendo en conta que apenas había 7000 celtistas máis no resto das bancadas. A que sí presentou un grande aspecto, foi a zona do campo acotada para a hinchada rival, que únicamente tivo que pagar 20 euros pola entrada de Río Baixo. Non deixaron de empurrar ó seu equipo en ningún intre, a pesar do resultado, e inda continuaron animando ós seus un bo rato tralo pitido final. Na nosa bancada estivo pendurada a faixa dos siareiros do Ciudad de Murcia City Boys, que trouxo o compañeiro dese grupo que estivo connosco.

Unha media hora despois do remate do partido e da eliminatoria, a xente que todavía quedaba na zona do Luar decatouse de que os belgas con gañas de bronca (en maior número que antes do encontro) subían por Manuel de Castro con bastante celeridade a por eles, e aí comezou todo. Por certo, que entre eles había xente que durante a tarde estivera entre nós no Luar, como os amigos da bandeira británica. E ata eiquí podemos escribir. Agora, que cada quen pense o que queira.

CELTA 3-STANDARD 0

Esteban, Placente, Tamas (Contreras, 67), Lequi, Ángel, Iriney (Jonathan Vila, 80), Oubiña, Nené, Núñez, Jorge (Canobbio, 70), Baiano.

Sen ser un grande encontro o disputado onte polo Celta, o noso equipo acadou o billete para a liguilla de 5 equipos que comezará a disputarse o vindeiro 19 de outubro.

Esteban, porteiro elexido por Vázquez para disputa-los encontros da UEFA, convertíuse nun dos grandes artífices da victoria céltica, cun par de intervencións de moito mérito. Foi clave a súa parada dun penalti cando o marcador todavía reflexaba unha mínima victoria por 1-0 ó noso prol, e que sen dúbida tería complicado o desenvolvemento do encontro.

Tamén foron claves as actuacións de Baiano, autor do primeiro e mailo terceiro gol, e de Cannobio, autor do segundo e asistente do terceiro.

Finalmente confirmáronse as malas espectativas en canto a asistencia de siareiros ó campo, e Balaidos amosou unha pésima entrada de público, nada acorde á importancia que tiña este choque para o noso clube. Esperemos que a directiva tamén tomara nota, e que se replantexen a súa política de prezos en partidos como o de onte.

FINALMENTE, ÁS 21:00 HORAS

Despois de que o encontro deste xoves se anunciara para as 21:30 horas, nos derradeiros días houbo un baile de horarios, entre o anunciado nun primeiro intre e as 21:00 horas. Finalmente, nas derradeiras horas impúxose o segundo, e deste modo, e a día de hoxe, podemos confirmar que o incio do Celta-Standard terá lugar ás 21:00 horas. Supoñemos que o motivo dese troco de horario debeuse ó feito de ser televisado pola TVG.

CHEGADA DOS BELGAS

Durante a mañá do mércores chegarán á nosa cidade os camaradas da hinchada antifascista do Standard. Permañecemos en contacto con eles, e agardamos darlles entre todos unha boa acollida.

ALUSIÓNS

Repasando as crónicas do Celta-Osasuna, atopamos estas alusións a Celtarras dende unha das páxinas web con maior informacón sobre o Celta que se poden atopar en internet. No remate da crónica do Celta-Osasuna da páxina todocelta.com, atopamo-lo seguinte:

E así, entre os tímidos asubíos dun Balaidos xa baleiro agás os incombustibeis Celtarras (hoxe impresionantes) rematou este pesadelo tamén coñecido coma a cuarta xornada de liga.

CELTA 2-OSASUNA 0

Pinto, Ángel, Placente, Lequi, Contreras, Oubiña, Iriney (Perera, 60), Gustavo López (Núñez, 78), Cannobio, Nené (Aspas, 78), Baiano.

Pésimo encontro o xogado polo Celta, que non foi quen de sacar nen tan sequera un so punto ante un rival que tampouco fixo demasiados merecementos como para acada-la súa primeira victoria en Balaidos en toda a súa historia en primeira división. O colexiado do encontro, un auténtico paiaso, tamén asinou un lamentable encontro, actuando cunha permisividade bastante grande ante as entradas dos xogadores rojillos, mentres que cos nosos xogadores non se medíu tanto, sendo a guinda do pastel a escandalosa expulsión do recén renovado Ángel, cando todavía quedaban 25 minutos de xogo e o encontro marchaba con 0-1 no marcador.

O que comeza a ser preocupante, é o nivel que están a amosar os dous mediocentros, que repercute negativamente na elaboración das xogadas de ataque. Tanto Oubiña como Iriney están a convertirse nunhas máquinas de perder balóns. A Iriney non se lle pode pedir moito máis que loita, porque son evidentes as súas carencias técnicas. O galego, pola súa banda, semella ser outro xogador dende a súa convocatoria coa selección do país veciño, e dende que soan cantos de serea sobre o interese de grandes equipos por el. Está a demostrar que dende a modestia pode ser un grande xogador, pero que cando un crese un galáctico, pódese xogar rozando a mediocridade.

Tralo encontro de onte, ante un Balaidos con moi pouco público (e verémo-lo xoves), foi moita a xente que abandoou o campo coa sensación de que algo non marcha, e a lembranza da tempada da Champions xa está na mente de cada un. E o panorama non resulta moi alentador, tendo en conta que os dous vindeiros compromisos ligueiros serán ante o Rácing en Santander, cancha que históricamente sempre se nos deu fatal, coa paréntese do pasado ano, e ante o Valencia en Balaidos, xusto nun intre no que os do ex-céltico Silva están a amosar un alto nivel de xogo. Se non gañaramos ningún deses dous choques, é moi probable que nos ollaramos inmersos en postos de descenso, dos que, por experiencia propia, sabemos do difícil que é sair de aí, inda que quede moita liga por diante.

Por se isto fora pouco, sabemos do pésima que é a nosa hinchada, que en canto as cousas non marchan todo o ben que se espera, uns optan por abandoar ó equipo e outros polos berros e asubíos dende as bancadas, creando unha tensa situación entre equipo e afición nada aconsellable. Iso sí, logo todos van a Plaza América a face-lo idiota cando se acada algo. Onte, por exemplo, houbo quen esperou a que sairan do estadio xogadores como Baiano ou Iriney para emprendela contra eles, como se ésta fora a mellor receta paa mellora-las prestacións do equipo. Parécenos lamentable certas actitudes dun amplo sector do campo que se fai chamar celtista.

DESEMBARCO BELGA

Os nosos camaradas de UI96 informáronnos onte de que a presencia de membros do seu grupo en Vigo o vindeiro xoves estará en torno á treintena. En canto cheguen dirixiranse ó noso lugar de reunión habitual. Confirmáronnos que tamén hai sete autobuses de 50 prazas cada un con siareiros do Standard para viaxar ata a nosa terra; ademais, bastante xente desplazarase en avións. Dos Hell-Side, o outro grupo importante do Standard, e co cal os UI96 comparten bancada, ideoloxía e diferentes actividades, descoñecemos todavía en qué número se achegarán ata Vigo para presencia-lo encontro. Segundo estes dados, cremos que o conxunto belga podería estar arroupado en Balaidos por uns 500 siareiros, así que esperemos que haxa unha boa presencia de celtistas nas nosas bancadas para que os Conceicao, Sa Pinto, Rapaic e compaña non se sintan como na súa casa.

VALADO EN FONDO

A nova directiva céltica, ademais de agasallarnos cunha política de prezos para a Bancada de Fondo nada acordes á visibilidade da mesma, agora sorpréndenos coa colocación dun valado diante da nosa ubicación habitual na bancada (polo dagora, non se extende á totalidade da mesma). Este novo valado está enriba do xa existente, onde se colocaba a pasada campaña a faixa que tamén sacaron durante este verán e que agora semellan non dar atopado. O obxecto do mesmo é evitar que a xente salte dende a bancada cando a situación o require.

REEDICIÓN COLANTES

Voltamos a reedita-los colantes de Celtarras siareiros antifascistas co logo do puño rachando unha esvástica. Decidimos sacalas de novo para agasallar á xente de grupos amigos que se acheguen ata Vigo, ou ós que visitemos nós. Pero tamén quedarán outras tantas para vender en Balaidos (xa dende este mesmo domingo), e dese modo recuperar parte do seu custo. Iso sí, o prezo reducirase bastante con respecto á tirada anterior, xa que desta volta poderedes adquirir tres unidades ó prezo dun euro. Colabora co grupo mercando o seu material.

CELTA-STANDARD

O encontro do vindeiro xoves ante o Standard belga dará comezo ás 21:30 horas, co que haberá tempo dabondo para montar unha boa festa cos nosos amigos belgas que se acheguen a Galiza.

Por outra banda, sinalar que despois de olla-los prezos para dito encontro, se ésta é a forma que ten prevista a nova directiva para rematar con tanta cadeira baleira en Balaidos, pois mal imos. Cremos abusivo que se cobre 15 euros nunha bancada como Fondo, e inda máis que os socios teñamos que pasar por caixa para poder presencia-lo reencontro do noso equipo coa competición de UEFA. Os socios de Fondo pagarán 3 euros en categoría adulto, mentres que carné xové e xuvenil terán que aboar 2 e 1 euro, respectivamente.

DOMINGO, 20:00 HORAS

Para os despistados, lembrámosvos que finalmente o encontro deste domingo ante o Clube Atlético Osasuna disputarase ás 20:00 horas, e non ás 18:00 horas, tal como se lle notificara ó Celta nun primeiro intre e nós mesmos publicaramos días atrás neste blog. A guerra aberta entre a liga e a empresa posuidora dos dereitos televisivos do campionato está a traer este baile de horarios, onde os máis perxudicados, coma sempre, somo-los propios siareiros.

DETENCIÓNS PONTEAREAS

Fai varios días informamos da detención de dous antifascistas en Ponteareas. Os mozos, militantes independentistas, foron postos en liberdade despois de estar detidos dende a tarde do día 12 ata a media mañá do 13. As detencións producíronse no centro social Baiuca Vermella, despois de que membros da Garda Civil non os atoparan nos seus respectivos postos de traballo, onde preferirían telos detido para dese modo crear unha maior alarma social e ocasionar ós detidos un maior dano no ámbito laboral.

Os dous mozos foron acusados de pintar de cor rosa unha placa de homenaxe ó dirixente fascista José Antonio Primo de Rivera e a unha nómina de ‘Caídos por España’ da comarca que ainda está grabada na igrexa da Oliva de Salvaterra. Eses feitos de sabotaxe contra a iconografia da Ditadura militar que arrasou Galiza entre 1936 e 1975 tiveron lugar o pasado 25 de agosto.

Na foto superior pódese observa-lo estado da placa trala sabotaxe.

ESPANYOL 2 CELTA 1

Pinto, Placente, Ángel, Contreras (Tamas, 82), Lequi, Oubiña, Iriney (Perera, 81), Gustavo López, Nené, Cannobio, Baiano.

Dous erros defensivos condearon ó noso equipo á segunda derrota céltica da tempada, o que fai que nos situemos na zona baixa da táboa clasificatoria. O Celta, que non foi nen moito menos inferior ó conxunto catalán, gozou dun maior número de ocasións, algunha delas tan claras como a que tivo Oubiña no derradeiro tramo de encontro ó mandar fóra un balón que só tiña que empurrar coa testa despois dun magnífico centro de Gustavo López.

Tras chegar ó descanso con empate sen goles tras un bo primeiro tempo dos xogadores vigueses, o arranque do segundo tempo comezou co gol do espanyolista Moisés no minuto 48, ó que respostou rápidamente Cannobio cun golazo de falta directa no 51. De seguido, o 1-2 puido subir ó marcador, pero o porteiro camerunés do Espanyol evitouno cunha boa estirada, e no ataque seguinte, no minuto 54, os locais acadaban o seu segundo gol, por mediación de Jonatas, que rematou a placer e sen oposición ningunha un pase dun compañeiro.

Unha vez máis, Vázquez tardou demasiado en levar a cabo unha sustitución que trocara o rumbo do encontro. Lamentablemente, Perera entrou ó campo con apenas 10 minutos de xogo por disputarse, e abofé que se notou a presencia no terreo de xogo do segundo punta, pero o tempo voaba e se chegaba ó remate do encontro sen modificación algunha no marcador.

En definitiva, sorprendente derrota nun encontro no que, como mínimo, debeuse de sacar polo menos un punto. O Celta segue a ser, unha tempada máis, experto en resucitar a equipos con problemas. Neste senso, menos mal que o Osasuna venceu hoxe e non chegará a Vigo sen puntos no seu casilleiro.

ESTREA VICTORIOSA

O Celta de fútbol sala comezou a súa andaina na primeira división do fútbol sala estatal (din que a mellor liga do mundo neste deporte) cunha traballada victoria por 6-5 ante o PSG Móstoles, equipo cuio obxectivo está en colarse entre os mellores do campionato, o que da máis valor se cabe a este triunfo, e que por descontado encherá de moral ós xogadores do noso equipo, que teñen como obxectivo acada-la permanencia na súa primeira participación nesta categoría. Salientar que o gol da victoria acadouse no derradeiro segundo do encontro, o que fixo que os aproximadamente 1500 siareiros que presenciaron o choque estouparan de ledicia e marcharan do pavillón cun estupendo sabor de boca. Hai que ter en conta tamén que o Celta tivo que remontar un resultado adverso en varias ocasións.

Finalmente, Giovanella recibía esta mañá a mala nova de que non podería xogar este encontro por mor da tan mentada sanción por dopaxe; inda así, o xogador brasileiro declarou que seguirá loitando por poder xogar en vindeiros encontros.

Os goles do encontro producíronse do seguinte modo: 0-1 Saad; 1-1 Indiao; 2-1 Gustavo Marques; 2-2 Javi Limones; 3-2 Daniel; 3-3 Seco; 3-4 Javi Limones; 3-5 Nuno; 4-5 Indiao; 5-5 Gustavo; 6-5 Purao.

STANDARD 0-CELTA 1

Esteban, Ángel, Placente, Tamas, Lequi, Iriney, Oubiña, Gustavo López (Núñez, 78), Cannobio (Jonathan Vila, 89), Nené, Baiano (Perera, 78).

O Celta regresou ás competicións europeas coa súa vixéxima victoria en UEFA, despois do solitario tanto acadado por Gustavo López no minuto 37 de encontro. É incrible que este xogador, actualmente nun extraordinario momento de xogo, tivera que mendiga-la súa renovación fai escasos meses. En fín, cousas do fútbol e do Celta.

Pese ó esplendido resultado colleitado, que moitos terían asinado antes do pitido inicial, quedouse coa sensación de ocasión perdida para ter sentenciado a eliminatoria, posto que o Celta amosouse moi superior ós belgas en diversas fases do encontro, con numerosas chegadas á área rival, que nembargantes non chegarían a bo porto.

O Standard, pola súa banda, apenas agobiou ó Celta, inda que tamén é certo que gozou dalgunhas ocasións moi claras, con tiro ó pau incluído, que tamén nos fixeron temer pola victoria.

Salienta-la boa actuación de Esteban, que semella que suplirá a Pinto neste torneo. A estrea de Tamas tamén foi satisfactoria, amosándose coma un central sóbrio que sustituíu á perfección ó sancionado Contreras. No derradeiro minuto de xogo, Vázquez fixo debutar co primeiro equipo ó canteirán Jonathan Vila.

Haberá, pois, que esperar ó encontro de volta para finiquitar unha eliminatoria encarrilada pero nen moito menos sentenciada. Os belgas recuperarán a varios xogadores para o encontro de Balaidos, como o portugués Sa Pinto. O noso equipo recuperará para entón a Contreras, e con moita probabilidade, a Jorge Larena.

4 CANTEIRÁNS NA ESTREA EUROPEA

Coa baixa confirmada de Jorge Larena, o Celta chegou hoxe a Bélxica con catro xogadores nacionais para a estrea europea nesta tempada. Ós habituais Oubiña e Aspas, o míster recurríu a dous xogadores do filial para completa-la lista de 18 convocados. Trátase de Jonathan Vila, que xa foi convocado o pasado domingo en Tarragona, e Roberto Lago. Oubiña é o único dos catro que ten confirmada a súa presencia no once titular, inda que é probable que algún dos outros tres tamén conten con algúns minutos no encontro de mañá.

DETIDOS EN PONTEAREAS

No día de onte foron detidos dous compañeiros antifascistas na localidade de Ponteareas. Están retidos no cuartel da Garda Civil desa mesma parroquia, despois de seren denunciados por un garda xurado por tentar arrincar unha placa de Falanxe. Seica se está a concentrar xente nos exteriores do edificio para esixir a súa posta en liberdade.

Dende eiquí, a nosa solidariedade cos detidos. ¡¡Liberdade inmediata!!

HORARIO ESPANYOL-CELTA

Todavía non está claro o horario para o encontro do domingo en Catalunya, xa que o Espanyol non está conforme con ter que xogar a partires das oito da tarde, e propúsolle á LFP o xogar ás seis da tarde, ou como mal menor, ás sete. O Espanyol non é o único equipo de primeira que pretende ese troco nos horarios dos encontros para a vindeira xornada, así que igual hai modificación. Polo dagora, o inicio do partido segue marcado para as oito, pero non descartamos que finalmente se adiante nunha ou dúas horas.

PARTE DE BAIXAS

George Lucas foi operado (con éxito, segundo confirmaron os médicos que levaron a cabo a operación) na tarde-noite de onte na clínica de Fátima, e agora estará non menos de catro meses de baixa, inda que o propio xogador, nun ataque de optimismo tras sair do quirófano, declarou que contaba con estar xogando en tres meses. Ogallá acerte no seu pronóstico, e dende eiquí desexámoslle unha perfecta recuperación.

Á longa tempada que o brasileiro estará afastado dos terreos de xogo, súmanselle Pablo García (baixa por un mes), Guayre (outro tanto) e De Ridder (entre dous e tres meses de ausencia). A este panorama hai que engadirlle o esguince que padeceu jorge Larena no ligamento externo dun dos seus xeonllos no adestramento de onte, e que fai que tamén sexa dúbida, cando menos, para o encontro ante o Standard. Na fotografía ollámolo precisamente no intre no que abandoaba o adestramento.

Por se isto fora pouco, á longa lista de mancados para este xoves, hai que engadirlle tamén a baixa do chileno Contreras, por mor da sanción que todavía tiña pendente tralo derradeiro compromiso europeo do Celta, fai tres tempadas no campo do Arsenal. Esta sanción fará, con toda probabilidade, que Vázquez conte coa participación do romanés Tamas no equipo titular.

CRÓNICA XORNADAS SS.GG.

O Sábado 9 de Setembro decorreu em Ponte Vedra o I Encontro nacional de Siareir@s Galeg@s que serviu para compartilhar com companheir@s e amig@s do colectivo umha jornada de convívio e reflexom, que só tivo o seu ponto preto na suspensom do concerto organizado para encerrar as jornadas e que nom puidemos celebrar por causa das enormes dificuldades impostas polo Concelho de Ponte Vedra.

O Encontro deu comezo às 11h30 no Campo da Junqueira com a organizaçom dum campionato de futebol 7 entre equipas conformadas polas Assembleias Comarcais de Siareir@s Galeg@s. Durante toda a manhám as equipas desputarom com intensidade um campionato organizado em base a cruces entre Assembleias que rematarom com a desputa dumhas semifinais e umha final. A final foi desputada entre umha das equipas de Vigo, concretamente do CS A Revolta, e a equipa da Assembleia de Compostela, que finalmente foi a que se proclamou com a vitória neste I Encontro nacional. Após o campionato celebrou-se um jantar popular na própria Junqueira que serviu para recuperar-se da intensidade dos jogos.

Já pola tarde, às 19h00, foi o momento para a reflexom com as mesas-redondas que decorrérom no Palácio de Congressos de Ponte Vedra. Na primeira mesa, intitulada "A cultura das bancadas: passado, presente e futuro dos grupos de siareir@s da Galiza", participarom membros de Fende Testas, do Compostela, de Riazor Blues, da Corunha, de Furya Granate, de Ponte Vedra, de Grada Vermelha, de Ourense e de Celtarras, de Vigo. A mesa-redonda estruturou-se arredor de várias questons plantexadas polo moderador, companheiro de Siareir@s Galeg@s, que servirom para exprimir as experiências dalgumhas das principais claques galegas antifascistas.

A seguir deu comezo a segunda mesa-redonda, intitulada "A importáncia do desporto de base nas selecçons galegas", na que participárom Antom Santos, do jornal Novas da Galiza, que fixo umha interesante expossiçom do papel social do desporto, e um membro do Estrela Vermelha, equipa de futebol do bairro das Fontinhas em Compostela, que achegou a experiência deste clube desportivo e a enorme potencialidade do associacionismo de base.

As mesas-redondas puxérom o ponto e final a este I Encontro de Siareir@s Galeg@s, já que finalmente e ficou suspendido o concerto organizado para encerrar as jornadas por causa dumhas maniobras às que as organizaçons populares comezamos a estar acostumados e habitualmente tenhem como protagonistas a governos municipais auto-proclamados de esquerda.

Texto sacado da páxina web http://siareirasgalegas.org

NOVAS CAMISOLAS

Lembrámosvos que dende a primeira xornada ligueira están xa disponibles as novas camisolas de Celtarras, co escudo do grupo serigrafiado na parte dianteira. Ditas camisolas, en cor negra, poden adquirirse ó prezo de 10 euros no lugar de costume, e xa vos avisamos que son de tirada limitada.

Así mesmo, tamén vos informamos de que todavía quedan á venda suadeiras e bufandas da tempada anteiror. As gorras están xa esgotadas.

GRAVES LESIÓNS

Confirmadas as malas espectativas con respecto ás lesións de Pablo Garcia e Lucas.

Segundo un primeiro diagnóstico, e a falla de confirmación con novas probas médicas, o brasileiro pode ter unha fractura da testa do peroné, e podería perderse boa parte do campionato, ó ter que estar, como mínimo, uns seis meses de baixa.

Pola súa banda, o uruguaio semella ter unha rotura de fibras, co que estará un mes aproximadamente no dique seco, co que se perderá finalmente a eliminatoria completa ante o Standard. Fernando Vázquez, en declaracións á Radio Galega fai escasos intres, asumíu a súa culpa por alinear ó centrocampista charrúa cando non se atopaba todavía nas mellores condicións físicas.

NÁSTIC 1-CELTA 2

Pinto, Ángel, Lucas (Núñez, 58), Contreras, Lequi, Oubiña, Pablo García (Placente, 20), Gustavo López (Aspas, 58), Nené, Cannobio, Baiano.

Houbo que sufrir ata o derradeiro minuto de xogo para poder traerse para Galiza os tres primeiros puntos do campionato. Tras chegar con empate sen goles ó tempo de lecer, Baiano adiantou ó Celta no minuto 48 ó rematar un centro de Gustavo López, ventaxe que durou ata o minuto 66, no que o xogador do Nástic Portillo anotou o empate, ó transformar un riguroso penalti; finalmente, o brasileiro Nené anotou o definitivo 1-2 no minuto 73, ó rematar un bo pase de Cannobio. O encontro tivo pouca historia, e sen realizar un grande encontro, o noso equipo impúxose grazas á nosa superioridade técnica.

A nota negativa do encontro atopámola nas lesións de Pablo Garcia e Lucas. O uruguaio Pablo Garcia resentíuse dos problemas que lle fixeron ser dúbida ata o derradeiro intre ós 20 minutos do primeiro tempo, o que pode facerlle perde-lo encontro de UEFA do xoves. No segundo tempo, Lucas tamén se tivo que retirar tras sufrir un forte golpe, e a súa lesión, polas imáxenes da televisión, non ten boa pinta.

A UEFA, POLA TVG

Semella confirmado que será a TVG quen retransmita a eliminatoria da Copa da UEFA entre Celta e Standard, tanto no que respecta ó encontro de Liexa como ó de volta na nosa cidade.

O STANDARD METE MEDO

O Standard, que todavía non acadara ningunha victoria nas catro xornadas anteriores do campionato belga, semella que coa chegada do novo adestrador, o ex-portero internacional Michel Preud´homme, quer troca-lo rumbo, e acadou onte unha contundente victoria na súa visita ó campo do Lierse, ó que venceu por 1-3 (chegou a ir vencendo 0-3). Esta victoria, a poucos días do seu encontro ante o Celta, serve para que os que pensaban que esta eliminatoria chegaba nun mal momento de forma para os de Liexa se decaten de que a cousa non vai a ser nada doada. Iso sí, o rival do Standard na tarde de onte é o pechacancelas da liga, cun único punto acadado en cinco partidos disputados.

UGIO E GIANA LIBERDADE

Seguindo a linha de trabalho inaugurada no passado Dia da Pátria, data em que se cumpria um ano da queda d@s militantes independentistas Giana Gomes e Ugio Caamanho em Compostela, e a sua imediata transferência e internamento em penais da Espanha, o nosso organismo anti-repressivo continua visibilizando nas ruas do País as demandas de repatriaçom e liberdade para @s pres@s.

REPATRIAÇOM, porquanto a dispersom que o Estado Espanhol lhes vem aplicando desde o momento da queda vulnera a própria "Ley Orgánica General Penitenciaria" espanhola (L.O.G.P. 1/1979),assi como tamém artigos de normativas europeas, extracomunitárias, consideraçons do "Defensor del Pueblo", autos de diversos "Juzgados de Vigilancia Penitenciaria" do Estado, e inclusive sentenças do Tribunal Constitucional espanhol.

De facto,o próprio encarceramento d@s militantes galeg@s por parte do tribunal estrangeiro "Audiencia Nacional" da Espanha viola tamém o princípio de territorialidade que a própria "Constitución Española" proclama (art. 24. 2 da C.E: direito ao encausamento por parte dum tribunal natural do lugar onde sucederam os factos de que se esteja acusad@). O tribunal político que vem sendo a "Audiencia Nacional" de Madrid mostra a sua face de tribunal de excepçom polo simples facto de ter encausad@s @s militantes galeg@s.

Devemos denunciar que a dispersom que o Estado Espanhol adoita aplicar desde há bem anos (por parte de governos do PP e do PSOE) à(o)s pres@s polític@s nom nace dumha arbitrariedade ou incumprimento das suas leis que obedeça à negligência no concernente aos direitos das pessoas presas, mas a umha estratégia repressiva bem planificada, que visa o afastamento d@s pres@s do seu contorno social, obrigando a familiares e amizades a se deslocarem centenas de qm. para poder visitar @s militantes, estendendo assi a pena às pessoas do seu círculo, aplicando realmente um segundo encarceramento à(o)s pres@s, isolando-@s da realidade do seu País.

Nos casos concretos d@s pres@s independentistas,lembremos que a dispersom é exercitada engadindo-se-lhe a transferência periódica de cárcere, dado que já passárom polos penais espanhóis de Soto del Real (C.P. Madrid V), Brieva (Ávila), Navalcarnero (Madrid IV) e Cáceres. Tamém o regime FIES aplicado habitualmente à(o)s pres@s polític@s coarcta as suas relaçons com o meio exterior,sofrendo a censura e restriçom das comunicaçons (tanto orais quanto escritas), denegando-se-lhes visitas com algumhas pessoas ou contacto telefónico.

LIBERDADE, porquanto o regime de prisom preventiva aplicado a Gomes e Caamanho desde o momento da sua queda contradi a própria legalidade espanhola, que afirma que os temas judiciais concernentes às pessoas presas "serám tratados polos tribunais com especial preferência". No entanto, as leis penitenciárias espanholas permitem que um/ha pres@ se atope até 4 anos na cadeia sem mediar sentença condenatória.

Lembramos que a Audiência Nacional de Madrid já denegou duas vezes a petiçom de liberdade provisional para Gomes e Caamanho solicitada polas suas defesas, entanto @s mantém em prisom sem juízo. Para contrarrestar os efeitos da prisom, aumentados pola estratégia do Estado com a medida ilegal da dispersom, apelamos a todas as pessoas para que fagam chegar o seu apoio solidário à presa e ao preso independentistas, à vez que a estender ao largo do País as reivindicaçons da sua repatriaçom e liberdade. Neste sentido, convidamos todas aquelas pessoas e colectividades interessadas em receber material de denúncia do encarceramento e dispersom de Ugio Caamanho e Giana Gomes para a sua distribuiçom a que se ponham em contacto com nós no correio ceivar@ceivar.org.

O nosso organismo compromete-se a enviar, gratuitamente, o citado material aos endereços que se nos asignem. Por outra parte, convidamos a um trabalho voluntário de denúncia (pintadas, reparto de material, murais, faixas, etc.) do encarceramento e a dispersom d@s pres@s independentistas a todas as pessoas.

Por parte de CEIVAR, anunciamos que intensificaremos nos próximos meses, em todas as comarcas da Galiza, as iniciativas necessárias para ampliar a socializaçom das demandas sobre @s pres@s: É O SEU DIREITO! Os endereços a que se pode escrever à presa e ao preso independentistas som:

GIANA RODRIGUES GOMES Centro Penitenciario de Brieva Módulo azul Carretera de Vicolozano Apartado 206 Código Postal 05194 Brieva, Ávila Espanha

UGIO CAAMANHO SAM-TISSO Centro Penitenciario de Cáceres Carretera de Trujillo, s/n Apartado 480 C.P.10004 Cáceres Espanha

Texto sacado da páxina web http://www.ceivar.org

STANDARD-CELTA, ÁS 20:30

A estrea do Celta na UEFA será ás 20:30 horas deste xoves. O que non sabemos todavía é se será televisado, e de ser así, se será poo PPV ou por outra canle en aberto.

Así mesmo, e segundo puidemos ler hoxe no xornal Faro de Vigo, xa se confirmaron os horarios dos vindeiros dous encontros ligueiros; o Espanyol- Celta disputarase o vindeiro domingo ás 20:00 horas, mentres que o Celta-Osasuna disputarase ás 18:00 horas do domingo seguinte.

SANCIÒN DE ANTIVIOLENCIA

A Comisiòn Antiviolencia volta à carga, e sanciona ò noso clube con 7.000 euros de multa polas invasiòns de campo levadas a cabo dende a bancada de Fondo durante o Celta-Barcelona, tralos goles cèlticos. Os que pretenden castigar ò Celta con esta importante sanciòn econòmica, son os mesmos que calan e miran cara outro lado cando teñen que sancionar òs equipos ricos, e que permiten a exhibiciòn de simboloxìa fascista nunha morea de campos; ademais, minten descaradamente cando afirman que as numerosas persoas que saltaron dende a bancada chegaron ata o cèspede, algo completamente falso (lembremos que ese dìa sò habìa cèspede no que è o propio terreo de xogo). Despois de roubarnos o encontro de forma incrible, agora veñen con este agasallo.

Nesta sanciòn notamos certo resquemor co noso equipo entre as altas instancias do fùtbol estatal, ante o feito de presentar a Giovanella como novo xogador do Celta de fùtbol sala esta mesma semana, no que eles consideran como un pulso que o xogador brasileiro e o propio clube queren botarlles.

PONTEVEDRA 2-CELTA 0

Un Celta plagado de suplentes caeu derrotado antonte en Pasaròn por 2-0 en partido correspondente à Copa Galiza, pese ò cal accedemos às semifinais do torneo coma segundos de grupo, por detràs do propio equipo granate. O partido, de pouca calidade, vivìu varias acciòns violentas, o que propiciou que o noso equipo rematara con dous homes menos, por mor das expulsiòns de Placente e Angel. O canario, ademais, deulle un testarazo a un rival trala sùa expulsiòn.

Pola sùa banda, a sorpresa saltou no grupo Norte, onde o Coruña quedou fòra das semifinais trala sùa segunda derrota da liguilla, esta vez ante o Lugo.

As semifinais quedan do seguinte modo: Ràcing de Ferrol-Celta e Pontevedra-Lugo. As dùas eliminatorias disputaranse tamèn a un ùnico encontro (no noso caso, no campo de A Malata, en Ferrol), e todavìa estàn por confirma-las datas e horarios.

NOVAS AUSENCIAS

Nas derradeiras horas atopàmonos cunha nova recaida de Guayre na sùa recente lesiòn, cando dìas atràs xa contabamos coa sùa participaciòn nos vindeiros encontros. Outro que tamèn voltou a caer lesionado foi o xogador holandès De Ridder, que mesmo poderìa ser baixa ata dous meses por mor dunha tendinite. En fìn, que o tema dos xogadores do Celta coas lesiòns semella o conto de nunca acabar.

SETEMBRO COMPLETO

Coa cita copeira de hoxe mesmo ante o Pontevedra às 19:00 horas, o Celta inicia un mes de setembro bastante cargado en canto a partidos oficiais se refire. Tras este encontro onde o Celta se xoga o primeiro posto do grupo sur da Copa Galiza, o noso equipo afrontarà a continuaciòn tres encontros como visitante entre liga e UEFA. Despois de viaxar a Catalunya para enfrontarnos ò Nastic do galego Luis Cèsar na procura dos primeiros puntos trala inxusta derrota ante o Barcelona no arranque ligueiro (vindeiro domingo às 19:00 horas), o xoves 14 chegarà a estrea europea na cancha do Standard, para voltar tres dìas despois ò campionato ligueiro no campo do Espanyol. Tras descansar entre semana, o Celta rematarà o mes con dous encontros como local, o dìa 24 ante o Osasuna en liga e o 28 ante o Standard na que serà a volta desta eliminatoria da UEFA.

Noutra orde de cousas, semella que a enfermerìa vaise baleirando, e asì, o canario Guayre xa està disponible de novo, inda que agora terà que porse as pilas para acadar un optimo estado de forma canto antes. Pablo Garcìa, pola sùa banda, tamèn semella recuperado das sùas doenzas, e inda que nun primeiro intre temìase pola sùa recuperaciòn para o encontro de Tarragona, o uruguaio poderìa ser da partida ante os catalàns, algo bastante probable tendo en conta ademais o encontro de sanciòn que deberà cumplir Iriney trala expulsiòn do encontro anterior.

O CELTA Ò TALEGO

A directiva do Celta està barallando a posibilidade de levar às càrceres galegas unha exposiciòn fotogràfica coa historia recente do equipo, e achegar deste modo o celtismo òs presos que cumplen condea no noso paìs. A idea, que partìu do fotògrafo oficial do Celta, foi ben acollida por algùn membro da nova directiva, que levarà a proposta ò consello de administraciòn para levar adiante tal iniciativa. De todos modos, de levarse a cabo esta novedosa experiencia, non serìa a primeira vez na que o clube se achega òs moitos celtistas que se atopan encarcelados.

REAPARICIÓN DE GALIZA

As selecciòns galegas de balonmàn feminino (o domingo dìa 3 en Porriño) e masculino (o sàbado dìa 2 en Pontevedra) reapareceron con sendas victorias ante as de Tunisia por 26-25 e 45-32, respectivamente. Houbo un grande ambente nàmbolos dous encontros, con presencia de Siareiros Galegos incluida. Mentres a victoria do noso combinado nacional masculino foi contundente, a victoria das nosas rapazas foi moito màis sufrida, tal como reflexa esa mìnima victoria por un solitario gol de diferencia. As xogadoras africanas mesmo chegaron a ir por diante no marcador en diversas fases do encontro. Pola sùa banda, o partido do sàbado disputouse baixo un ritmo frenètico, para gozo dos alì presentes, que ademais tamèn puideron divertirse do lindo coa espectacularidade de moitos dos goles acadados.

As fotos, correspondentes ò encontro do sàbado, foron sacadas da web www.vieiros.com

CELTA-STANDARD

O partido de volta desta primeira rolda (para o Celta) da UEFA 06/07 traerá ata a nosa cidade a unha treintena de compoñentes do grupo de siareiros antifascistas do conxunto belga UI 96, que xa se puxeron en contacto connosco. Este grupo é convidado habitualmente ó torneo anual que organiza a hinchada antifa do St. Pauli, e de seguro que pasamos unha boa xornada de enchoupada con eles. Inda que se definan como ultras, termo co que non nos identificamos, é sabido que por eses lares esa palabra non ten as mesmas connotacións fascistas que no estado español. Esperamos que se leven unha boa lembranza da súa estadía en Galiza.

XORNADAS DE SS.GG.

O vindeiro sàbado dìa 9 teràn lugar en Pontevedra as primeiras xornadas de SSGG na cidade do Lèrez con diferentes actividades que se extenderàn ò longo de todo o dìa, como campionato de fùtbol (no que participaràn membros de Celtarras dentro do equipo de SSGG Vigo), xantar popular, charlas, concerto,... Non faltes à cita, que a cousa promete. Para màis informaciòn, contactade con Siareir@s Galeg@s - Comarca de Vigo no mail vigo@siareirasgalegas.org

ARRINCAMOS

Benvidos a este blog que nace coa intención de ser complemento da páxina web de Celtarras, e que terá como misión principal a de informar ós seus visitantes de toda a actualidade que xenere o noso grupo, así como o noso propio equipo. Tampouco queremos esquecernos, en principio, das novas relacionadas con outros colectivos de hinchas antifascistas.

Por suposto, tamén traeremos a este blog novas de diversa índole que acontezan en Galiza.